Ποντιακός Στίχος

Προβολή Τραγουδιού

Άνοιξον, πουλί μ’, άνοιξον

Αυδές ΠόντουΑυδές Πόντου

Στιχουργοί: Ηλίας Υφαντίδης

Συνθέτες: Γιώργος Αμαραντίδης

Καλλιτέχνες: Γιώργος Αμαραντίδης, Ηλίας Υφαντίδης


Άνοιξον, πουλί μ’, άνοιξον,
άνοιξον το πορτόπο σ’
Θα έρχουμαι κι εγώ ο καρίπ’ς
κι εμπαίνω σ’ εγκαλιόπο σ’

Άνοιξον, πουλί μ’, άνοιξον,
άνοιξον την εγκάλια σ’
Θα κονεύω σα ψ̌όπα σου,
θα χ̌αίρουμαι τα κάλλια σ’

Εγάπη μ’, η εγκάλια σου
μανουσ̌άκ’ σκουτουλίζει
Νασάν εκείνον τον πεκιάρ’
εσέν που ποδεδίζει

Ατουπέσ’ σ’ εγκαλιόπο σου
τα τσ̌ιτσ̌εκόπα ανθούνε
Πόσα καρδίας και ομμάτι͜α
εσέν αναστορούνε;

Άνοιξον, πουλί μ’, άνοιξον,
άνοιξον τα χ̌ερόπα σ’
Νασάν που κείται μετ’ εσέν
και χ̌αίρεται τα ψ̌όπα σ’

Χόπαλα!
Γλωσσάρι
ΚείμενοΕπεξήγησηΕτυμ. ΡίζαΠροέλευση
αναστορούνεθυμούνται, αναπολούν
άνοιξονάνοιξε (προστ.)
ατουπέσ’εκεί μέσα ατού+απέσ'
εγκάλιααγκαλιά
εγκαλιόποαγκαλίτσα
έρχουμαιέρχομαι
κάλλιακάλλη
καρδίας(τη, γεν.) καρδιάς, (τα, ονομ. πληθ.) καρδιές
καρίπ’ςξένος, μοναχικός, φτωχός, ανήμπορος garip/ġarīb
κείταικείτεται, ξαπλώνει
κονεύωεγκαθίσταμαι, φωλιάζω, προσγειώνομαι (επί πτηνών) konmak
μανουσ̌άκ’μενεξές/βιολέτα մանուշակ (manušak)<manafšak
μετ’μαζί με (με αιτιατική), με (τρόπος)
νασάνχαρά σε
ομμάτι͜αμάτια
πεκιάρ’(γεν. αιτ. ενικ.) εργένη, (ονομ. πληθ.) εργένηδες bekâr/bekār
πορτόποπορτούλα, πορτάκι porta
τσ̌ιτσ̌εκόπαλουλουδάκια çiçek
χ̌αίρουμαιχαίρομαι
χ̌ερόπαχεράκια
ψ̌όπαψυχούλες

Ποντιακός Στίχος - Pontian Lyrics 2024

Τραγούδια: 7813 | Albums/Singles: 1117 | Συντελεστές: 1525 | Λήμματα: 12584
Επικοινωνία: infoDUMMY@pontianlyrics.gr