Μαύρα φορώ

Προβολή Τραγουδιού

Καλλιτέχνες: Ελένη Σαμανίδου, Μπάμπης Κεμανετζίδης

Μαύρα φορώ, μαύρα φορώ
λώματα ματωμένα
Είχα τσ̌αχάλ’κα μωρόπα
όλια λαλαχ̌εμένα

Είνας τουσ̌μάνος άκαρδος
ση θάλασσας τ’ αλγάνι
Πώς έσυρεν τα παιδόπα μ’!
Σην ψ̌η μ’ έγκεν γεράν -ι

Χάρε, μη πουγαλεύκεσαι
έλα ας σο χατίρι μ’
Σα στράτας μη δελι͜άεσαι
έμπα σο κατωθύρι μ’

Ντο τάτ’ να παίρω ας ση ζωή μ’;
Τα χρόνι͜α μ’ είν’ χαμένα
Χάρε, θα δίγω σε χασ̌λούκ’
να παίρτς με μετ’ εσένα

Γλωσσάρι

Κείμενο	Επεξήγηση	Ετυμ. Ρίζα
αλγάνι	κύμα	dalga
ας σο	απ’ το	ασό σο (από το)
γεράν	πληγή, τραύμα	yara
δίγω	δίνω
έγκεν	έφερε
είν’	(για πληθ.) είναι
είνας	ένας/μία
έμπα	(προστ.) μπες
έσυρεν	έσυρε, τράβηξε, έριξε
κατωθύρι	κατώφλι, η παράπλευρη και κάτω ξύλινη δοκός της πόρτας, ο πρόδρομος
λαλαχ̌εμένα	χαϊδεμένα, παραχαϊδεμένα
λώματα	ρούχα	λῶμα/λωμάτιον
μετ’	μαζί με (με αιτιατική), με (τρόπος)
μωρόπα	μωράκια, παιδάκια
όλια	όλα
παιδόπα	παιδάκια
παίρτς	παίρνεις
παίρω	παίρνω
πουγαλεύκεσαι	σκας, βαριέσαι, στενοχωριέσαι	bunalmak
στράτας	(ονομ.) δρόμοι, (αιτ.) δρόμους
τάτ’	γεύση, νοστιμιά	tat
τουσ̌μάνος	εχθρός	düşman/duşmān
τσ̌αχάλ’κα	άπειρα, ανώριμα, άβγαλτα	cahil/cāhil
χασ̌λούκ’	χαρτζιλίκι	harçlık
χατίρι	χάρη, σεβασμός, υπόληψη	hatır/ḫāṭir
ψ̌η	ψυχή