Προβολή Τραγουδιού
Τέρεν, πουλί μ’, τ’ ομματόπα μ’
Σον όρκο σ’ πώς επίστεψα;Στιχουργοί: Βασίλης Μωυσιάδης
Συνθέτες: Μπάμπης Κεμανετζίδης
Καλλιτέχνες: Γιώργος Ατματσίδης, Πέλα Νικολαΐδη
Τέρεν, πουλί μ’, τ’ ομματόπα μ’ και θ’ εγροικάς ντο θέλ’νε Με δάκρυ͜α εγομώθανε κι έναν ισ̌μάρ’ -τ- σ’ περ’μέν’νε Σ’ έναν το χ̌έρ’ τραντάφυλλον κράτ’, πουλόπο μ’ και δος με και σ’ άλλον έπαρ’ το μαχ̌αίρ’ και σην καρδία μ’ ντως με Ο λόγον ντο θα λες ας έν’ ας σην καρδι͜ά σ’ γραμμένον Για δος με τη χαράν να ζω γιά φεύω πονεμένον Σ’ έναν το χ̌έρ’ τραντάφυλλον κράτ’, πουλόπο μ’ και δος με και σ’ άλλον έπαρ’ το μαχ̌αίρ’ και σην καρδία μ’ ντως με Ζω με το φόβον σην ζωή εσέναν να μη χάνω Άλλος σο γιάνι μ’ άμα έν’ σο θάνατον εφτάνω Σ’ έναν το χ̌έρ’ τραντάφυλλον κράτ’, πουλόπο μ’ και δος με και σ’ άλλον έπαρ’ το μαχ̌αίρ’ και σην καρδία μ’ ντως με
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| γιά | είτε, ή | ya/yā | |
| γιάνι | πλάι, πλευρό | yan | |
| δος | δώσε | ||
| εγομώθανε | γεμίσανε, βούρκωσαν, κόμπιασαν | ||
| εγροικάς | καταλαβαίνεις | ||
| έν’ | είναι | ||
| έπαρ’ | πάρε (προστ.) | ||
| εφτάνω | φτάνω | ||
| θάνατον | θάνατος | ||
| θέλ’νε | θέλουν | ||
| ισ̌μάρ’ | νεύμα, νόημα | işmar/նշմար | |
| κράτ’ | κράτα, βάστα, κάνε κράτει (προστ.) | ||
| μαχ̌αίρ’ | μαχαίρι | ||
| ντως | χτύπα (προστ.) | ||
| ομματόπα | ματάκια | ||
| περ’μέν’νε | περιμένουν | ||
| πουλόπο | πουλάκι | ||
| τέρεν | κοίταξε (προστ.) | ||
| φεύω | φεύγω | ||
| χ̌έρ’ | χέρι |