Σε λασίον

Προβολή Τραγουδιού

Καλλιτέχνες: Παναγιώτης Ασλανίδης, Χαράλαμπος Τσαντεκίδης

Με τοι φίλτς ι-μ’ σο λασίον
για τ’ εμέν όλον καλλίον
Σ’ όλα τα χωρία πάμε
με τη λύραν κέφ’ ευτάμε

Ο Γιαννίκος ο Μαυράντ’
την Ελένκω έχ̌’ σ’ ομμάτ’
Σύρ’ α̤τεν και τραγωδίας
για τα χτύπους τη καρδίας

Σην Ξηρόβρυσην ο Τίμον
μα τον Άγιο-Βαλεντίνον
Το καρδόπον ατ’ κομμάτι͜α
για τη Δέσποινας τ’ ομμάτι͜α

Και σην Κούσ̌οβα¹ ο Χάμπον
θα χορεύ’ άμον τον άρκον
και Τασία όντες λέει
άμον χάταλον θα κλαίει

Και ο Πάντσον ας ση Φύσκαν
σα σεβτάδας έχ̌’ και λίσταν
Σο Λευκώναν έχ̌’ κορτσόπον,
Αναγέννησης γιαβρόπον

Αίσθημα σο Βολοβότ²
η μασ̌ίνα επαίρ’νεν χοτ’
Πάντσο, έλα σα καλά σ’
άφ’ς και έναν για τ’ εμάς

Με τοι φίλτς ι-μ’ σο λασίον
και χωρίον σε χωρίον
Φαγοπότι͜α και σεβτάδας,
ετελέθαν τα παράδας

Δανεικά κανείς ’κι δί’ μας
έναν κούρταν ’κι πονεί μας
Νεγκασμένα παλληκάρι͜α
’κλώσταμε με τα ποδάρι͜α

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
άρκον	αρκούδα
α̤τεν	αυτήν
άφ’ς	(προστ.) άφησε
γιαβρόπον	μωράκι, μικρούλι, παιδάκι	yavru + -όπον
δί’	δίνει
επαίρ’νεν	έπαιρνε
ετελέθαν	(αμτβ.) τελείωσαν, εξαντλήθηκαν, μτφ. πέθαναν
ευτάμε	κάνουμε, φτιάχνουμε	εὐθειάζω
έχ̌’	έχει
καλλίον	(επίθ.) καλύτερο, (επίρ.) καλύτερα
καρδίας	(τη, γεν.) καρδιάς, (τα, ονομ. πληθ.) καρδιές
καρδόπον	καρδούλα
κέφ’	κέφι	keyif/keyf
’κι	δεν	οὐκί<οὐχί
’κλώσταμε	(εκλώσταμε) γυρίσαμε, επιστρέψαμε
κορτσόπον	κοριτσάκι
κούρταν	γουλιά
λασίον	γύρα, βόλτα, περιπλάνηση	ἀλάομαι/ηλάσκω
μασ̌ίνα	γενικά η μηχανή/το μηχάνημα, αυτοκίνητο ή τρένο ή τρακτέρ	машина/μηχανή
νεγκασμένα	κουρασμένα
ομμάτ’	μάτι
ομμάτι͜α	μάτια
όντες	όταν
παράδας	χρήματα, λεφτά	para/pāre
ποδάρι͜α	πόδια
σύρ’	σύρω/ει, τραβάω/ει, ρίχνω/ει
τοι	τους/τις
τραγωδίας	τραγούδια
φίλτς	φίλους
χάταλον	μωρό, παιδί	ἀταλός
χορεύ’	χορεύω/ει
χωρία	χωριά

Σημειώσεις

¹ (ή Κούσοβον) Παλιά ονομασία του χωριού Κοκκινιά Κιλκίς
² Παλιά ονομασία της κοινότητας Ν. Σάντας Κιλκίς αποτελούμενη από το Άνω Βολοβότ (Νέα Σάντα) και το Κάτω Βολοβότ (Παντελεήμων Κιλκίς)