Προβολή Τραγουδιού
Την καρδία μ’ θα σ̌κίζ’ ατο |
Το αηδονόπονΣτιχουργοί: Νάκος Ευσταθιάδης
Συνθέτες: Γιάννης Τσανάκαλης
Καλλιτέχνες: Γιώργος Τσαντεκίδης, Χαράλαμπος Τσαντεκίδης
Την καρδία μ’ θα σ̌κίζ’ ατο, έχω δύο καρδίας Σ’ έναν θα βάλω τα καημούς, σ’ άλλο τ’ αροθυμίας Το αίμαν νερόν ’κ’ ’ίνεται, οι Ρωμαίοι ’κι τουρκεύ’νε Ο αδελφόν τον αδελφόν πάντα θ’ αραεύ’νε Αναστενάζω, σείουνταν τα ψηλά τα ραχ̌ία κι όταν πονώ ξεραίν’ντανε τα φύλλα σα κλαδία Το αίμαν νερόν ’κ’ ’ίνεται, οι Ρωμαίοι ’κι τουρκεύ’νε Ο αδελφόν τον αδελφόν πάντα θ’ αραεύ’νε Πουλόπα ταξιδιάρικα έναν μένεμαν φέρ’τεν Τα κυρουκά μ’ κι ο αδελφό μ’ σ’ εμέν αν ζούνε πέτεν Το αίμαν νερόν ’κ’ ’ίνεται, οι Ρωμαίοι ’κι τουρκεύ’νε Ο αδελφόν τον αδελφόν πάντα θ’ αραεύ’νε
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αραεύ’νε | ψάχνουν, αναζητούν, γυρεύουν | aramak | |
| αροθυμίας | (γεν.) νοσταλγίας, (πληθ.) νοσταλγίες | ||
| ’ίνεται | γίνεται | ||
| ’κ’ | δεν | οὐκί<οὐχί | |
| καρδίας | (τη, γεν.) καρδιάς, (τα, ονομ. πληθ.) καρδιές | ||
| ’κι | δεν | οὐκί<οὐχί | |
| κυρουκά | γονείς | ||
| μένεμαν | ειδοποίηση, μήνυμα, πληροφορία, παραγγελία | μήνυμα | |
| ξεραίν’ντανε | ξεραίνονται | ||
| πέτεν | (προστ.) πείτε | ||
| πουλόπα | πουλάκια | ||
| ραχ̌ία | ράχες, βουνά | ||
| Ρωμαίοι | οι ορθόδοξοι χριστιανοί πολίτες επί Οθωμανικής Αυτοκρατορίας | ||
| σείουνταν | σείονται | ||
| σ̌κίζ’ | σκίζω/ει | ||
| τουρκεύ’νε | γίνονται μωαμεθανοί, γίνονται Τούρκοι | ||
| φέρ’τεν | (προστ.) φέρτε |
