Ο Πάντσον και ο Κώστης

Προβολή Τραγουδιού

Καλλιτέχνες: Κώστας Καραπαναγιωτίδης, Παναγιώτης Ασλανίδης, Παναγιώτης Ψωμιάδης, Χαράλαμπος Τσαντεκίδης

Νε Πάντσο, να λελεύω σε,
για έβγαλ’ τη λαλία σ’
[Ποδεδίζω σε!]
Ση γλώσσαν και τ’ εμέτερον
ας λένε τραγωδίας
[Να λελεύω σε!]

Γουρπάν’ εγώ να ’ίνουμαι,
να τρώγω και τα ψ̌ήα σ’
[Να λελεύω σε!]
Κώστη, όνταν ’κ’ ελέπω σε,
τρώ͜ει με αροθυμία σ’
[Ποδεδίζω σε!]

Και ο Πάντσον και -ν- ο Κώστης
όντες τραγωδούν
Τα παρχάρι͜α ’το εκάγαν
χλοΐζ’νε κι ανθούν

Ο Πάντσον ο Σαλονικιόν
καλκεύ’ δύο τεκίρι͜α
[Να λελεύω σε!]
Και αν το κράνος ’κι φορεί,
πλερών’, ’κι θέλ’ χατίρι͜α
[Ποδεδίζω σε!]

Εσύ δουλεύ’ς ση Βέροιαν,
εγώ Βαρδάρ’ καπάνια
[Να λελεύω σε!]
Εντάμαν ας ευρίουμες
σου Πόντου και τ’ ορμάνια
[Ποδεδίζω σε!]

Και ο Πάντσον και -ν- ο Κώστης
όντες τραγωδούν
Τραπεζούντα, Κερασούντα,
τα πατρίδας ζουν

Παρχάρι͜α χ̌ιλι͜επλούμιστα,
τσ̌οπάν’ με τα γαβάλι͜α
[Ποδεδίζω σε!]
εβόσ̌κιζαν τα πρόατα,
μουσκάρι͜α κι αελάδι͜α
[Ποδεδίζω σε!]

Και πώς εγώ να τραγωδώ,
Κώστη, και ντό να λέω;
[Να λελεύω σε!]
Εγώ αρλούν παιδίν είμαι,
ακούω σε και κλαίω
[Ποδεδίζω σε!]

Και ο Πάντσον και -ν- ο Κώστης
όντες τραγωδούν
σο ποδάρ’ όλιον ο Πόντον,
τα καμπάνας κρού’ν

Γλωσσάρι

Κείμενο	Επεξήγηση	Ετυμ. Ρίζα
αελάδι͜α	οι αγελάδες νεαρής ηλικίας που δεν έχουν γεννήσει ακόμα, δαμάλες
αρλούν	αυτό που το πιάνει εύκολα το παράπονο	arlı
αροθυμία	νοσταλγία
γουρπάν’	θυσία	kurban/ḳurbān
δουλεύ’ς	δουλεύεις
έβγαλ’	(προστ.) βγάλε
εβόσ̌κιζαν	έβγαζαν για βοσκή
εκάγαν	κάηκαν
ελέπω	βλέπω
εμέτερον	δικός/ή/ό μου	ἡμέτερος
εντάμαν	μαζί
ευρίουμες	βρισκόμαστε
’ίνουμαι	γίνομαι
’κ’	δεν	οὐκί<οὐχί
καλκεύ’	καβαλάει
καμπάνας	(ον.πληθ., τα) καμπάνες
καπάνια	λόφοι	kabā/կապա (gaba)
’κι	δεν	οὐκί<οὐχί
κρού’ν	χτυπούν	κρούω
λαλία	λαλιά, φωνή
λελεύω	χαίρομαι
μουσκάρι͜α	μοσχάρια
όλιον	όλο, ολόκληρο
όνταν	όταν
όντες	όταν
ορμάνια	δάση	orman
παρχάρι͜α	ορεινοί τόποι θερινής βοσκής
πλερών’	πληρώνει, εκπληρώνει
ποδάρ’	πόδι
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
ποδεδίζω σε	να σε χαρώ	από+δέδιν (<δείδω=φοβάμαι, ανησυχώ)
πρόατα	πρόβατα
τεκίρι͜α	τροχοί	teker
’το	αυτό, το (προσωπική αντωνυμία)
τραγωδίας	τραγούδια
τραγωδούν	τραγουδάνε
τραγωδώ	τραγουδάω
τσ̌οπάν’	τσομπάνηδες, βοσκοί	çoban/çūbān, şūbān
χλοΐζ’νε	φέρνουν χλόη, πρασινίζουν
ψ̌ήα	ψυχές, η περιοχή του στέρνου, τα εσώψυχα