Εκούρεψαμε τον χορόν

Προβολή Τραγουδιού

Εκούρεψαμε τον χορόν
χορέψτεν τούλα - τούλα
Ν’ αηλί που ’κ’ ευρέθεν αδά
η χ̌έρα η κουτούλα

Εχ! ρίζα μ’, έι! πουλί μ’,
το νόστιμον το τέρεμα σ’
θα σύρ’ και παίρ’ τ’ αχούλι μ’

Χορόν, χορόν, καλόν χορόν
τ’ αρνί μ’ χορεύ’ σο γιάνι μ’
Το χορόν ντο εχόρεψα
επίασεν απάν’ ι-μ’

Εχ! ρίζα μ’, ε! στερέα
για κλώστ’ σ’ εμέν μερέα
Για δος μα έναν φίλεμαν
γιά έναν μαχ̌αιρέαν

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
απάν’	πάνω
αχούλι	μυαλό	akıl/ʿaḳl
γιά	είτε, ή	ya/yā
γιάνι	πλάι, πλευρό	yan
δος	δώσε
δος μα	δώσε μου
εκούρεψαμε	στήσαμε	kurmak
επίασεν	πιάστηκε
ευρέθεν	βρέθηκε
’κ’	δεν	οὐκί<οὐχί
κλώστ’	(προστ.) γύρνα/γύρισε, επέστρεψε
κουτούλα	αυτή που τραβάει τα μαλλιά της, προσφώνηση χήρας γυναίκας
μαχ̌αιρέαν	μαχαιριά
μερέα	μεριά
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
παίρ’	παίρνω/ει
στερέα	στήριγμα
σύρ’	σύρω/ει, τραβάω/ει, ρίχνω/ει
τέρεμα	βλέμμα
τούλα	ήσυχα, φρόνιμα
φίλεμαν	φιλί
χ̌έρα	χήρα
χορεύ’	χορεύω/ει
χορέψτεν	(προστ.) χορέψτε