Εγέρασα κι ο νους ι-μ’ έν’

Προβολή Τραγουδιού

expand_content

Εγέρασα κι ο νους ι-μ’ έν’
σον τόπον ντ’ εγεννέθα
Εκεί -ν- όθεν ετράνυνα
και σην ζωήν ευρέθα

Πατρίδα μ’, λέγω τ’ όνομα σ’
και την ευχή μ’ ευτάγω
Εσέν έχω πάντα σο νου μ’
όθεν στέκω και πάγω

Ατόσα χρόνια μαυροζώ,
πολλά τ’ ομμάτι͜α μ’ είδαν
Μίαν κι άλλο μουράτ’ έχω
ν’ ελέπω την πατρίδαν

Γλωσσάρι

Κείμενο	Επεξήγηση	Ετυμ. Ρίζα
εγεννέθα	γεννήθηκα
εγέρασα	γέρασα
ελέπω	βλέπω
έν’	είναι
ετράνυνα	μεγάλωσα, ανέθρεψα	τρανόω-ῶ
ευρέθα	βρέθηκα
ευτάγω	κάνω, φτιάχνω	εὐθειάζω
μίαν	μια φορά
μίαν κι άλλο	άλλη μια φορά
μουράτ’	επιθυμία, πόθος	murat/murād
όθεν	όπου, οπουδήποτε, σε όποιον
ομμάτι͜α	μάτια
πολλά	(επίθ.) πολλά, (επίρρ.) πολύ