Προβολή Τραγουδιού
Σουμά σα ξημερώματα |
Ποντιακά με τον Θεοδοσιάδη ΚωνσταντίνοΣτιχουργοί: Κώστας Θεοδοσιάδης
Συνθέτες: Κώστας Θεοδοσιάδης
Καλλιτέχνες: Κώστας Θεοδοσιάδης
Σουμά σα ξημερώματα εξέβαν δύο άστρα Τ’ έναν ομοι͜άζ’ τον πρόσωπο σ’, τ’ άλλο τα ψ̌ήα σ’ τ’ άσπρα Αρνόπο μ’, τα στομόχ̌ειλα σ’, αρ’ όντες καλατσ̌εύ’νε Ευτάς τα παλληκαρόπα τα ψ̌όπα τουν να εβγαίν’νε Η καρδι͜ά σ’ έν’ θυμίαμα, τα χ̌έρι͜α σ’ αγιοκέρι͜α Για τ’ εσέν έμ’νε άρρωστος εννέα καλοκαίρι͜α Κόρη στρογγυλοπρόσωπος, κόκκινον/κόκκινος άμον μήλον Τ’ ομμάτι͜α σ’ είν’ ολόμαυρα, φωτά͜εις άμον τον ήλιον Τ’ ομματόπα σ’ ολόμαυρα, φωτά͜εις άμον τον ήλιον
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ἅμα | |
| αρνόπο | αρνάκι, χαϊδευτική προσφώνηση γυναίκας | ||
| εβγαίν’νε | βγαίνουν | ||
| είν’ | (για πληθ.) είναι | ||
| έμ’νε | ήμουν | ||
| έν’ | είναι | ||
| εξέβαν | βγήκαν | ||
| ευτάς | κάνεις, φτιάχνεις | εὐθειάζω | |
| καλατσ̌εύ’νε | ομιλούν, συνομιλούν, συζητούν | keleci=καλός λόγος (Παλαιά Τουρκική Ανατολίας) | |
| ομμάτι͜α | μάτια | ||
| ομματόπα | ματάκια | ||
| ομοι͜άζ’ | ομοιάζει, μοιάζει | ||
| όντες | όταν | ||
| σουμά | κοντά | ||
| στομόχ̌ειλα | τα χείλια του στόματος | ||
| τουν | τους | ||
| φωτά͜εις | φωτίζεις, λάμπεις | ||
| ψ̌ήα | ψυχές, η περιοχή του στέρνου, τα εσώψυχα | ||
| ψ̌όπα | ψυχούλες |
