Φογούμαι κάτ’ παθάνω

Προβολή Τραγουδιού

Στιχουργοί: Θεόφιλος Πουταχίδης, Ιωάννης Μάγγος

expand_content

Φογούμαι κάτ’ παθάνω
εσέν, πουλί μ’, αν χάνω
Αρ’ μετ’ εσέν ετράνυνα
μετ’ εσέν θ’ αποθάνω

[Έι!] Άψιμον έν’ ο πρόσωπο σ’,
τον τόπον κατακαίει
Έκαψεν και το καρδόπο μ’,
νύχταν ήμεραν κλαίει

Φογούμαι κάτ’ παθάνω
εσέν, πουλί μ’, αν χάνω
Αρ’ μετ’ εσέν ετράνυνα
μετ’ εσέν θ’ αποθάνω

Θέλω να λες με, τρυγόνα μ’,
εμέναν αν θα παίρεις
[Έι!] Αν θα ευτάς με σύντροφο σ’
και ση ζωήν το ταίρι σ’

Φογούμαι κάτ’ παθάνω
εσέν, πουλί μ’, αν χάνω
Αρ’ μετ’ εσέν ετράνυνα
μετ’ εσέν θ’ αποθάνω

Έλα να ποδεδίζω σε
τη νύχταν και τη μέραν
[Έι!] Εσύ είσαι τ’ εμόν τ’ αρνίν
τ’ εμόν η περιστέρα

Φογούμαι κάτ’ παθάνω
εσέν, πουλί μ’, αν χάνω
Αρ’ μετ’ εσέν ετράνυνα
μετ’ εσέν θ’ αποθάνω

Γλωσσάρι

Κείμενο	Επεξήγηση	Ετυμ. Ρίζα
αποθάνω	πεθαίνω
άψιμον	φωτιά
εμόν	δικός/ή/ό μου	ἐμοῦ
έν’	είναι
ετράνυνα	μεγάλωσα, ανέθρεψα	τρανόω-ῶ
ευτάς	κάνεις, φτιάχνεις	εὐθειάζω
καρδόπο	καρδούλα
μετ’	μαζί με (με αιτιατική), με (τρόπος)
να ποδεδίζω	να χαρώ κπ
παθάνω	παθαίνω
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
ποδεδίζω σε	να σε χαρώ	από+δέδιν (<δείδω=φοβάμαι, ανησυχώ)
τρυγόνα	το πουλί τρυγόνι, χαϊδευτική προσφώνηση γυναίκας
φογούμαι	φοβάμαι