Προβολή Τραγουδιού
Χαράζ’ η ανατολή |
Θόδωρος Παυλίδης (Χαμένα Πατρίδας)Στιχουργοί: Νάκος Ευσταθιάδης
Συνθέτες: Θόδωρος Παυλίδης
Καλλιτέχνες: Θόδωρος Παυλίδης, Μπάμπης Κεμανετζίδης
«Χαράζ’ η ανατολή» έρ’ται λέει με έναν πουλίν Εγώ έχ’ ατα γραμμένα, λέγω σ’ ατά έναν - έναν Την άνοιξην αναστορώ ατότ’ έμ’νε είκοσ’ χρονών Με κορτσόπα ’γέλανα, σον ουρανόν επέτανα Θυμούμαι τον Κερασινόν, η μέρα ζεστόν τρανόν Όλη μέρα η ώρα τρία εκοιμούμ’νες σα σερία Αχ! Μοθοπωρί’ τριάντα, φύλλα ’κ’ έλεπα σα δέντρα Τα μαλλία μ’ έσπριζαν, την ψ̌η μ’ ετυράννιζαν Καλομηνάς εικοσιένα, τα χρόνα̤ μ’ ογδόντα ένα Ας σα χ̌ι͜όνι͜α ’κ’ επορώ σα στράτας να πορπατώ «Χαράζ’ η ανατολή» έρ’ται λέει με έναν πουλίν Μουσαφίρτς επέρασα, με όνειρα εγέρασα
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αναστορώ | θυμάμαι, αναπολώ | ||
| ατά | αυτά | ||
| ατα | αυτά | ||
| ’γέλανα | (εγέλανα) γελούσα | ||
| εγέρασα | γέρασα | ||
| εκοιμούμ’νες | κοιμόμασταν | ||
| έλεπα | έβλεπα | ||
| έμ’νε | ήμουν | ||
| επέτανα | πετούσα | ||
| επορώ | μπορώ | ||
| έρ’ται | έρχεται | ||
| έσπριζαν | άσπριζαν | ||
| ετυράννιζαν | τυραννούσαν, ταλαιπωρούσαν | ||
| θυμούμαι | θυμάμαι | ||
| ’κ’ | δεν | οὐκί<οὐχί | |
| Καλομηνάς | Μάιος | ||
| Κερασινόν | Ιούνιος | ||
| κορτσόπα | κοριτσάκια | ||
| μοθοπωρί’ | φθινόπωρο καιρό | ||
| μουσαφίρτς | επισκέπτης, περαστικός | misafir/musāfir | |
| πορπατώ | περπατάω | ||
| σερία | δροσερά μέρη υπό σκιά | serin | |
| στράτας | (ονομ.) δρόμοι, (αιτ.) δρόμους | ||
| χρόνα̤ | χρόνια | ||
| ψ̌η | ψυχή |
[Σημ. Ο τίτλος του βίντεο στο YouTube δεν αντιστοιχεί στο τραγούδι που ακούγεται το οποίο είναι και το εδώ αναγραφόμενο]
