Προβολή Τραγουδιού
Η Τασούλα μ’ κλαίει |
Θόδωρος Παυλίδης (Χαμένα Πατρίδας)Στιχουργοί: Νάκος Ευσταθιάδης
Συνθέτες: Θόδωρος Παυλίδης
Καλλιτέχνες: Θόδωρος Παυλίδης, Μπάμπης Κεμανετζίδης
Το μικρόν τ’ εμόν τ’ αρνίν κείται μαναχόν Ξημεροβραδι͜άσ̌κεται με σεβντάς καημόν Κλαίει, κλαίει, κλαίει, η Τασούλα μ’ κλαίει Τη ψ̌ης τα παράπονα σε καν’νάν ’κι λέει Τα πουλόπα τη Θεού συντροφεύ’ν’ ατο και γλυκέα κελαηδούν, Παρ’γορεύ’ν’ ατο Κλαίει, κλαίει, κλαίει, η Τασούλα μ’ κλαίει Τη ψ̌ης τα παράπονα σε καν’νάν ’κι λέει Νύχτας αξημέρωτα ησυχάζ’νε ούλ’ Το πουλόπο μ’ άγνεφον άμον νυχτοπούλ’ Κλαίει, κλαίει, κλαίει, η Τασούλα μ’ κλαίει Τη ψ̌ης τα παράπονα σε καν’νάν ’κι λέει Κλαίει, κλαίει, κλαίει, η Τασούλα μ’ κλαίει Τη ψ̌ης τα παράπονα σε καν’νάν ’κι λέει
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άγνεφον | ξύπνιο | ||
| άμον | σαν, όπως, καθώς | ἅμα | |
| γλυκέα | (επιρρ.) γλυκά | ||
| εμόν | δικός/ή/ό μου | ἐμοῦ | |
| καν’νάν | κανέναν | ||
| κείται | κείτεται, ξαπλώνει | ||
| ’κι | δεν | οὐκί<οὐχί | |
| μαναχόν | (έναρθρο) μοναχός, μοναχό, (επίρρ) μόνο/μοναχά | ||
| νύχτας | (ον.πληθ.,τα) νύχτες | ||
| νυχτοπούλ’ | νυχτοπούλι, μτφ. αυτός που ξενυχτάει | ||
| ξημεροβραδι͜άσ̌κεται | ξημεροβραδιάζεται | ||
| ούλ’ | όλοι | ||
| πουλόπα | πουλάκια | ||
| πουλόπο | πουλάκι | ||
| σεβντάς | αγάπης, έρωτα | sevda/sevdā | |
| συντροφεύ’ν’ | συντροφεύουν | ||
| ψ̌ης | ψυχής |
[Σημ. Ο τίτλος του βίντεο στο YouTube δεν αντιστοιχεί στο τραγούδι που ακούγεται το οποίο είναι και το εδώ αναγραφόμενο]
