Προβολή Τραγουδιού
Ο χωρέτες |
Θόδωρος Παυλίδης (Χαμένα Πατρίδας)Στιχουργοί: Νάκος Ευσταθιάδης
Συνθέτες: Θόδωρος Παυλίδης
Καλλιτέχνες: Θόδωρος Παυλίδης, Μπάμπης Κεμανετζίδης
Σα λιοπύρι͜α και σ’ αλώνι͜α ο χωρέτες πελι͜ά, πόνι͜α Όλη μέραν αλωνίζ’, την κεντήν ατ’ βασανίζ’ Χάιτε Πόζο, χάιτε Κάρα! Χάιτε, τα καματερά μ’! Μετ’ εσάς αφκά σην ζέστεν απ’ εμάς κανείς ’κι χάν’ Τα αμπάρι͜α κι αν γομών’ άλλος θα τα ευκαιρών’ ’Κι κανείται η εσοδεία τ’, πεινασμένα τα παιδία τ’ Χάιτε Πόζο, χάιτε Κάρα! Χάιτε, τα καματερά μ’! Μετ’ εσάς αφκά σην ζέστεν απ’ εμάς κανείς ’κι χάν’ Ο χωρέτες νεγκασμένος πάντα έν’ ηλιοκαμένος Κλώθ’ απάν’ - αφκά τη γην και ξαν «φτου κι ας σην αρχήν» Χάιτε Πόζο, χάιτε Κάρα! Χάιτε, τα καματερά μ’! Μετ’ εσάς αφκά σην ζέστεν απ’ εμάς κανείς ’κι χάν’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| απάν’ | πάνω | ||
| αφκά | κάτω | ||
| γομών’ | γεμίζω/ει | ||
| έν’ | είναι | ||
| ευκαιρών’ | αδειάζω/ει | ||
| ζέστεν | ζέστη | ||
| κανείται | φτάνει, είναι αρκετό | ||
| κεντήν | εαυτό | kendi | |
| ’κι | δεν | οὐκί<οὐχί | |
| κλώθ’ | κλώθω/ει, γυρνώ/άει | ||
| μετ’ | μαζί με (με αιτιατική), με (τρόπος) | ||
| νεγκασμένος | κουρασμένος | ||
| ξαν | πάλι, ξανά | ||
| παιδία | παιδιά | ||
| πελι͜ά | βάσανο, σκοτούρα | bela | |
| πόνι͜α | πόνοι | ||
| χάιτε | άντε | haydi<hay de (οθωμ.) | |
| χάν’ | χάνει, παύει να έχει, διώχνει | ||
| χωρέτες | χωριάτης |
[Σημ. Ο τίτλος του βίντεο στο YouTube δεν αντιστοιχεί στο τραγούδι που ακούγεται το οποίο είναι και το εδώ αναγραφόμενο]
