Ο σεβταλής

Προβολή Τραγουδιού

Καλλιτέχνες: Γιωργούλης Κουγιουμτζίδης, Χρήστος Παπαδόπουλος

Τσ̌αχάλτς έμ’νε κι εχ̌αίρουμ’νε
και σεβταλούκ’ εποίν’να
Για τέρτα̤ και δα̤κρόπα
έναν παρά ’κ’ εδίν’να

Τα κορτσόπα τα έμορφα
όλα̤ ντ’ επεγ̆ενεύτα
Τ’ έναν αδά και τ’ άλλο εκεί
ατά εταουτεύταν

Έπαιζα και την κεμεντζ̌έν,
έλεγα τραγωδίας
Κι άμον τη βρούλαν έκαιγα
κοριτσίων καρδίας

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
άμον	σαν, όπως, καθώς	ἅμα
ατά	αυτά
βρούλαν	φλόγα	brûler
δα̤κρόπα	(υποκορ.) δάκρυα
εδίν’να	έδινα, παρέδιδα
έμ’νε	ήμουν
έμορφα	όμορφα
επεγ̆ενεύτα	αρέστηκα, βρήκα της αρεσκείας μου, εκτίμησα	beğenmek
εποίν’να	έκανα, έφτιαχνα	ποιέω-ῶ
εταουτεύταν	σκόρπισαν, διασκορπίστηκαν	dağıtmak
εχ̌αίρουμ’νε	χαιρόμουν
’κ’	δεν	οὐκί<οὐχί
καρδίας	(τη, γεν.) καρδιάς, (τα, ονομ. πληθ.) καρδιές
κεμεντζ̌έν	λύρα	kemençe/kemānçe
κορτσόπα	κοριτσάκια
παρά	λεφτά, το χρήμα	para/pāre
σεβταλούκ’	έρωτας	sevdalık
τέρτα̤	καημοί, βάσανα, στενοχώριες	dert
τραγωδίας	τραγούδια
τσ̌αχάλτς	άπειρος, ανώριμος, άβγαλτος	cahil/cāhil