Για ελάτε σο χορόν

Προβολή Τραγουδιού

Καλλιτέχνες: Γιώργος Ατματσίδης, Δημήτρης Καρασαββίδης

Για ελάτε, για ελάτε
σο χορόν απέσ’ εμπάτε
Σο παρακάθ’ μερακλήδες
και σ’ ομάλιν σεβταλήδες

Τα μικρά λαλαχ̌εμένα,
έμορφα πογιατισμένα
Σον χορόν και σο ομάλιν
τα κορτσόπα ρούζ’νε απάν’ ι-μ’

Τα τσ̌εχέλκα, τα τσ̌εχέλκα
έμορφα, μικρά και νέικα
Ας σ’ ομάλιν μαϊσσωμένα
ξαν σκοτούνταν για τ’ εμένα

Για κανείται, για κανείται
σην εγκάλι͜α μ’ ’κ’ εχωρείτε
’Κ’ εγροικάτεν, ’κ’ εγροικάτεν
κι άλλο κέσ’ πέραν δεβάτεν

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
απέσ’	μέσα
ας σ’	(ας σου) από του, από τότε που/αφότου, (ας σο) από το/τα
δεβάτεν	(προστ.) πηγαίνετε
εγκάλι͜α	αγκαλιά
εγροικάτεν	καταλαβαίνετε
έμορφα	όμορφα
’κ’	δεν	οὐκί<οὐχί
κανείται	φτάνει, είναι αρκετό
κέσ’	εκεί μέσα, προς τα εκεί	κέσου<κεῖσ’<κεῖσε<ἐκεῖσε
κορτσόπα	κοριτσάκια
λαλαχ̌εμένα	χαϊδεμένα, παραχαϊδεμένα
νέικα	νεαρά, νεανικά
ξαν	πάλι, ξανά
ομάλιν	ομαλός, ίσιος δρόμος
παρακάθ’	συνάθροιση, ολονυχτία
ρούζ’νε	πέφτουν
σεβταλήδες	ερωτοχτυπημένοι, ερωτευμένοι	sevdalı
σκοτούνταν	σκοτώνονται
τσ̌εχέλκα	άπειρα, ανώριμα, άβγαλτα	cehil/cehl