Προβολή Τραγουδιού
Μικρός σα δεκατέσσερα |
Ο Πόντον ’κ’ έν’ τ’ οσήμερονΣτιχουργοί: Σταύρος Μακρίδης
Συνθέτες: Γιάννης Τριανταφυλλίδης
Καλλιτέχνες: Γιάννης Τριανταφυλλίδης
Μικρός σα δεκατέσσερα, εγώ ας σο Σοχούμ έρθα Να ξέρετε ντο έσυρα κι αδακέσ’ πώς ευρέθα Μάνα και κύρ’ εφέκα εκεί, ντο είχα όλιον τον βίον Εφέκα το μικρόν τ’ αρνί μ’ κι έφυγα ας σο χωρίο μ’ Θέλω ατό να λέγω σας, να τραγωδώ ντ’ εδέβα Τα βάσανα ντο έσυρα ση στράταν ασ’ εξέβα Μάνα και κύρ’ εφέκα εκεί, ντο είχα όλιον τον βίον Εφέκα το μικρόν τ’ αρνί μ’ κι έφυγα ας σο χωρίο μ’ Έρθα -ν- αδά κι εθάρρεσα εμέν πως θ’ αγαπούνε Λάθος ελογαρίασα, τον πόνο μ’ ’κι τερούνε Μάνα και κύρ’ εφέκα εκεί, ντο είχα όλιον τον βίον Εφέκα το μικρόν τ’ αρνί μ’ κι έφυγα ας σο χωρίο μ’ Εγώ όμως είμαι Έλληνας κι ατό ’κι ανασπάλλω Πόντιος είμαι λέγω σας, εγώ -ν- οπίσ’ ’κι πάω Μάνα και κύρ’ εφέκα εκεί, ντο είχα όλιον τον βίον Εφέκα το μικρόν τ’ αρνί μ’ κι έφυγα ας σο χωρίο μ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αδά | εδώ | ||
| αδακέσ’ | εδώ γύρω, κάπου εδώ | ||
| ανασπάλλω | ξεχνώ | ||
| ασ’ | από | ||
| βίον | το βιος, το σύνολο των ζωντανών που έχει στην ιδιοκτησία του κάποιος, η περιουσία κάποιου | ||
| εδέβα | (για τόπο) πέρασα, διέσχισα (για χρόνο) πέρασα | διαβαίνω | |
| εθάρρεσα | θεώρησα, πίστεψα | ||
| ελογαρίασα | λογάριασα, σκέφτηκα | ||
| εξέβα | βγήκα, ανέβηκα, μτφ. προέκυψα | ||
| έρθα | ήρθα | ||
| έσυρα | έσυρα, τράβηξα, έριξα | ||
| ευρέθα | βρέθηκα | ||
| εφέκα | άφησα | ||
| ’κι | δεν | οὐκί<οὐχί | |
| κύρ’ | πατέρα | ||
| όλιον | όλο, ολόκληρο | ||
| οπίσ’ | πίσω | ||
| τερούνε | κοιτούν | ||
| τραγωδώ | τραγουδάω |
