Προβολή Τραγουδιού
Του Γεσήφ |
Προσδιορισμός - Σα ιχνάρι͜α τ’ Ασ̌αλούμ’Στιχουργοί: Γιώργος Σιαπανίδης
Συνθέτες: Παραδοσιακό
Καλλιτέχνες: Γιώργος Σιαπανίδης, Μιχάλης Παρχαρίδης
Όλεν φορείς και αναλλά͜εις και τερείς σ’ αϊνιάδες Παίρτς τσαλιφώντς σον πρόσωπο σ’ έναν σουρίν πογιάδες Ικρι͜άχ εποίκες το σπαρέλ’ την τσόχαν τη φοτά σ’ -ι Ετσατσαλώθες κι εχπάστες ατσ̌ά πού κέσ’ θα πας -ι; Τα χ̌είλια κατακόκκινα κι η καρδι͜ά καφουρίζει Ερρούξες απ’ οπίσ’ ’ς σ’ αγούρτς και πολεμάς ν’ αντρί͜εις -ι Το έναν ’κι κανείται σε, θέλτς τα δύο εγκάλιας Ευτάς τον κύρη σ’ πάγγελον Παγγέλαστον τη μάνα σ Εκλείδωσεν την πόρταν ατ’ς κι επέρεν τ’ ανοιγάρι͜α Κανείς ’κι ’ξέρ’ πού θα δι͜αβαίν’ και πορπατεί ληγάρι͜α Ατό ’κι απικρατεύκεται ερρούξεν αποπίσ’ ι-μ’ Εσόκεψεν την τσόχα μο(υ), ετσέρτσεν το καμίσι μ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αγούρτς | νέους άνδρες, εφήβους | ||
| αϊνιάδες | καθρέπτες | ayna/āyīne | |
| αναλλά͜εις | φοράς τα καλά/γιορτινά σου ρούχα | ||
| ανοιγάρι͜α | κλειδιά | ||
| αντρί͜εις | αντρίζεις, βρίσκεις άντρα, παντρεύεις την κόρη σου | ||
| απικρατεύκεται | συγκρατιέται | ||
| αποπίσ’ | από πίσω | ||
| ατ’ς | αυτής, της | ||
| ατσ̌ά | άραγε | acep/ʿaceb | |
| δι͜αβαίν’ | (για τόπο) περνάει/ώ, διασχίζει/ω, (για χρόνο) περνάει/ώ | διαβαίνω | |
| εγκάλιας | αγκαλιές | ||
| επέρεν | πήρε | ||
| εποίκες | έκανες, έφτιαξες | ποιέω-ῶ | |
| ερρούξεν | έπεσε | ||
| ερρούξες | έπεσες | ||
| εσόκεψεν | ξήλωσε, ξερίζωσε | sökmek | |
| ετσατσαλώθες | ξεγυμνώθηκες | ||
| ετσέρτσεν | έσκισε | ||
| ευτάς | κάνεις, φτιάχνεις | εὐθειάζω | |
| εχπάστες | αναχώρησες, κίνησες για | ||
| θέλτς | θέλεις | ||
| ικρι͜άχ | αποστροφή, απέχθεια, αηδία | ikrah/ikrāh | |
| καμίσι | πουκάμισο | υπό+καμίσιον<camisia | |
| κανείται | φτάνει, είναι αρκετό | ||
| καφουρίζει | αχνίζει, μτφ. βράζει (από έρωτα) | ||
| κέσ’ | εκεί μέσα, προς τα εκεί | κέσου<κεῖσ’<κεῖσε<ἐκεῖσε | |
| ’κι | δεν | οὐκί<οὐχί | |
| ληγάρι͜α | γρήγορα | ||
| όλεν | όλη/ο, ολόκληρη/ο | ||
| οπίσ’ | πίσω | ||
| παγγέλαστον | καταγέλαστο/η | ||
| πάγγελον | καταγέλαστο/η | ||
| παίρτς | παίρνεις | ||
| πογιάδες | μπογιές, βαφές | boya | |
| πορπατεί | περπατάει | ||
| ’ς | (ας) από | ||
| σουρίν | κοπάδι, σωρός από πράγματα | sürü | |
| σπαρέλ’ | μέρος γυναικείας ενδυμασίας αυτοτελές που χρησιμεύει ως κάλυμμα του στήθους | spalliera | |
| τερείς | κοιτάς | ||
| τσαλιφώντς | πασαλείβεις | ||
| φοτά | μέρος γυναικείας ενδυμασίας που έμπαινε πάνω από το λαχόρι, το ζωνάρι το οποίο έδεναν οι γυναίκες τριγωνικά στη μέση τους πάνω από τη ζιπούνα, γεν. ποδιά | futa |
