Σίδερα τα καρδίας

Προβολή Τραγουδιού

Καλλιτέχνες: Χρήστος Παπαδόπουλος, Χρήστος Χρυσανθόπουλος

Έναν εγέντον η χαρά,
σεράντα τα φωτίας
Για τ’ εσέν κανείς ’κ’ ερωτά,
σίδερα τα καρδίας

Έναν η καλοσύνα̤ μουν
και χ̌ίλι͜α τα κακίας
Με το βελόν αράεψον
ν’ ευρήκ’ς καλά καρδίας

Εσταύρωνανε τον Χριστόν
κι ελύουτον η μάνα τ’
Ανθρώπ’ αχάντα̤ έπλεκαν
κι εθέκ’ναν σο κιφάλ’ν ατ’

Γλωσσάρι

Κείμενο	Επεξήγηση	Ετυμ. Ρίζα
ανθρώπ’	άνθρωποι
αράεψον	(προστ.) ψάξε, αναζήτησε, γύρεψε	aramak
αχάντα̤	αγκάθια
εγέντον	έγινε
εθέκ’ναν	έθεταν, τοποθετούσαν, έβαζαν
ελύουτον	έλιωνε
ερωτά	ρωτάει
εσταύρωνανε	σταύρωναν
ευρήκ’ς	βρίσκεις
’κ’	δεν	οὐκί<οὐχί
κακίας	(ον. πληθ.,τα) κακίες
καλοσύνα̤	καλοσύνη, καλή πράξη
καρδίας	(τη, γεν.) καρδιάς, (τα, ονομ. πληθ.) καρδιές
κιφάλ’ν	κεφάλι
μουν	μας
σεράντα	σαράντα
φωτίας	(γεν.ενικ.) φωτιάς, (ον.πληθ., τα) φωτιές