Πολλά να λέγω ’κ’ επορώ

Προβολή Τραγουδιού

Πολλά να λέγω ’κ’ επορώ
κι ολίγα ’κι κανείνταν [γιαρ, γιαρ]
Τα τέρτι͜α μ’ όλι͜α να λέγω
μερών’ και ’κι τελείνταν [γιαρ, γιαρ]

Σίναν τον πόνο μ’ να λέγω,
την ψ̌η μ’ να ξαλαφρώνω; [γιαρ, γιαρ]
’Σ σα τέρτι͜α, ’ς σα παράπονα
ολίγον να γλυτώνω [γιαρ, γιαρ]

Εγρίβωσαν τα τερτόπα
’τσαντζάρωσαν σ’ ωμία μ’ [γιαρ, γιαρ]
Αέτσ’ θα τυρα̤ννίεται
τ’ άχαρον η καρδία μ’ [γιαρ, γιαρ]

Ν’ αηλί εμέν, μανίτσα μου,
ν’ αηλί εμέν τον μαύρον [γιαρ, γιαρ]
Γουρτάρεψον με, μάνα μου,
θα τρώ͜ει με απόψ’ ο Χάρον [γιαρ, γιαρ]

Γλωσσάρι

Κείμενο	Επεξήγηση	Ετυμ. Ρίζα
αέτσ’	έτσι
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
γιαρ	αγαπητός/ή/ό, αγάπη	yâr
γουρτάρεψον	(προστ.) γλύτωσε κτ/κπ από, σώσε, διάσωσε	kurtarmak
εγρίβωσαν	προσκολλήθηκαν, γαντζώθηκαν	αγριφώνω<agrafer<grappa
επορώ	μπορώ
’κ’	δεν	οὐκί<οὐχί
κανείνταν	φτάνουν, είναι αρκετά
’κι	δεν	οὐκί<οὐχί
μερών’	μερώνει, ξημερώνει
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
πολλά	(επίθ.) πολλά, (επίρρ.) πολύ
’ς	(ας) από
σίναν	(σε τίναν) σε ποιον/α;
τελείνταν	(αμτβ.)τελειώνουν, εξαντλούνται, μτφ. πεθαίνουν
τέρτι͜α	καημοί, βάσανα, στενοχώριες	dert
τερτόπα	(υποκορ.) καημοί, βάσανα, στενοχώριες	dert
’τσαντζάρωσαν	(ετσαντζάρωσαν) ανναριχήθηκαν, σκαρφάλωσαν
τυρα̤ννίεται	τυραννιέται, ταλαιπωριέται
ψ̌η	ψυχή
ωμία	ώμοι