Εχπάσταν ξαν οι Πόντιοι

Εχπάσταν ξαν οι Πόντιοι
κι έρχουνταν ας σα ξένα
Έρθες, πουλί μ’, ας σα μακρά
γιάμ’ έρθες για τ’ εμέναν;

[Εχ! -ν-] Έλα σο γιάνι μ’, έλα άμε,
πάμε για τα παρχάρι͜α
Κάθαν βραδήν θα φέρω σε
τη ψ̌ης ι-μ’ τα χαπάρι͜α

Εχπάσταν ξαν οι Πόντιοι
ψηλά σην Καυκασίαν
Είδα σε κι είπα για τ’ εσέν
θα ’ίνουμαι θυσίαν

[Εχ! -ν-] Έλα σο γιάνι μ’, έλα άμε,
πάμε για τα παρχάρι͜α
Κάθαν βραδήν θα φέρω σε
τη ψ̌ης ι-μ’ τα χαπάρι͜α

Ση βαγονί’ το παραθύρ’
σο Σαλονίκ’ ασ’ τ’ έρθες
Απέσ’ σ’ ομμάτι͜α μ’ έλαμψες
έμπρι͜α μ’ ασ’ το ευρέθες

[Εχ! -ν-] Έλα σο γιάνι μ’, έλα άμε,
πάμε για τα παρχάρι͜α
Κάθαν βραδήν θα φέρω σε
τη ψ̌ης ι-μ’ τα χαπάρι͜α