Το Σαλονίκ’ ετράνυνεν

Προβολή Τραγουδιού

Καλλιτέχνες: Θεόδωρος Βεροιώτης, Κώστας Καραπαναγιωτίδης, Μπάμπης Κεμανετζίδης

Το Σαλονίκ’ ετράνυνεν
και άλλο ’κ’ εχωρούμε
Πάμε σα μέρι͜α τ’ έμ’νες -ε
κι άλλ’ έμορφα θα ζούμε

Το Σαλονίκ’ ετράνυνεν
σα στράτας ’κ’ εχωρούμε
Εμείς, πουλί μ’, θα φεύομε
σα μέρι͜α μουν να ζούμε

Πάμε σα κρύα τα νερά
σον καθαρόν αέραν
Να τρώγομ’ ήσυχον ψωμίν
και μίαν την ημέραν

Το Σαλονίκ’ ετράνυνεν
σα στράτας ’κ’ εχωρούμε
Εμείς, πουλί μ’, θα φεύομε
σα μέρι͜α μουν να ζούμε

Πουλίν ’κι ακούς απέσ’ σην πόλ’
τα δέντρα κιτρινούν’νε
Ανθρώπ’ άλλο ’κι χ̌αίρουνταν
’κι λένε, ’κι γελούνε

Το Σαλονίκ’ ετράνυνεν
σα στράτας ’κ’ εχωρούμε
Εμείς, πουλί μ’, θα φεύομε
σα μέρι͜α μουν να ζούμε

Γλωσσάρι

Κείμενο	Επεξήγηση	Ετυμ. Ρίζα
ανθρώπ’	άνθρωποι
απέσ’	μέσα
έμ’νες	ήμασταν
έμορφα	όμορφα
ετράνυνεν	μεγάλωσε
εχωρούμε	χωράμε
’κ’	δεν	οὐκί<οὐχί
’κι	δεν	οὐκί<οὐχί
μέρι͜α	μέρη
μίαν	μια φορά
μουν	μας
στράτας	(ονομ.) δρόμοι, (αιτ.) δρόμους
τρώγομ’	τρώμε
φεύομε	φεύγουμε
χ̌αίρουνταν	χαίρονται