Τη σεβτάς το γιατρικόν

Προβολή Τραγουδιού

Στιχουργοί: Ελευθερία Καλτσίδου, Κώστας Κωνσταντινίδης

Καλλιτέχνες: Ανδρέας Κουγιουμτζίδης, Κώστας Καραπαναγιωτίδης

Ήντσαν έχ̌’ το γιατρικόν
τη σεβτάς ας φέρ’ α̤το
Κι όσοι εγάπεσαν πολλά
όλ’ θα τρέχ’νε παίρ’ν’ ατο

Αδ’ απάν’ σ’ ατό τη γην
σεβταλήδες είν’ πολλοί
εντώκανε ση σεβτά
κι ένταν άμον παλαλοί
ερρούξανε ση σεβτά
κι ούλ’ εγένταν παλαλοί

Η σεβτά άμον κρασίν
ήντσαν πίν’ α̤το μεθύν’
Όντες πίντς α’ και μεθάς
άλλο ’κ’ εγροικάς ντ’ ευτάς

Αδ’ απάν’ σ’ ατό τη γην
σεβταλήδες είν’ πολλοί
εντώκανε ση σεβτά
κι ούλ’ εγένταν παλαλοί
ερρούξανε ση σεβτά
κι ένταν άμον παλαλοί

Η σεβτά γλυκύν έν’ μέλ’
ήντσαν τρώει͜ ατο ξαν θέλ’
Να ’τρωγα έναν πουλούλ’
κι ας εγίνουτον γουρζούλ’

Αδ’ απάν’ σ’ ατό τη γην
σεβταλήδες είν’ πολλοί
εντώκανε ση σεβτά
κι ούλ’ εγένταν παλαλοί
ερρούξανε ση σεβτά
κι όλ’ εγένταν παλαλοί

Γλωσσάρι

Κείμενο	Επεξήγηση	Ετυμ. Ρίζα
α’	(ατό) αυτό, το
αδ’	εδώ
αδ’ απάν’	εδώ πάνω
άμον	σαν, όπως, καθώς	ἅμα
απάν’	πάνω
γλυκύν	γλυκιά/ό
γουρζούλ’	φαρμάκι, δηλητηριασμένο φαΐ, δυσκολοχώνευτο/βαρύ για το στομάχι
εγάπεσαν	αγάπησαν
εγένταν	έγιναν
εγίνουτον	γινόταν
εγροικάς	καταλαβαίνεις
είν’	(για πληθ.) είναι
έν’	είναι
ένταν	έγιναν
εντώκανε	χτύπησαν
ερρούξανε	έπεσαν
ευτάς	κάνεις, φτιάχνεις	εὐθειάζω
έχ̌’	έχει
ήντσαν	οποιοσδήποτε, όποιος / οποιονδήποτε, όποιον
’κ’	δεν	οὐκί<οὐχί
μεθύν’	μεθάει
μέλ’	μέλι
ξαν	πάλι, ξανά
όλ’	όλοι/α
όντες	όταν
ούλ’	όλοι
παίρ’ν’	παίρνουν
παλαλοί	τρελοί
πίν’	πίνω/ει
πίντς	πίνεις
πολλά	(επίθ.) πολλά, (επίρρ.) πολύ
πουλούλ’	πιθάρι, πιθαριά (ως μονάδα μέτρησης όγκου)
σεβτά	αγάπη, έρωτας	sevda/sevdā
σεβταλήδες	ερωτοχτυπημένοι, ερωτευμένοι	sevdalı
σεβτάς	αγάπης, έρωτα	sevda/sevdā
τρέχ’νε	τρέχουν
φέρ’	φέρνω/ει