Πατέρα μ’

Προβολή Τραγουδιού

Καλλιτέχνες: Κώστας Καραπαναγιωτίδης, Μπάμπης Κεμανετζίδης

expand_content

Πολλά έταν ντο έσυρες,
πατέρα, να τρανύντς μας [γιαρ]
Νύχταν ημέραν σο χωράφ’
εσύ κάτ’ να αφήντς μας [γιαρ]

Έρθεν ο Χάρον κι επέρεν
την ψ̌ης το πονεμένον [γιαρ]
Κι ατώρα επέμ’να ορφανόν
και παραπονεμένον [γιαρ]

Φαρμάκ’ επό’τσανε εμέν
τ’ αδερφόπα μ’, πατέρα μ’ [γιαρ]
Αρ’ λέγ’νε κι άλλο μερτικόν
έπρεπε να επαίρ’ναν [γιαρ]

Γλωσσάρι

Κείμενο	Επεξήγηση	Ετυμ. Ρίζα
ατώρα	τώρα
αφήντς	αφήνεις
γιαρ	αγαπητός/ή/ό, αγάπη	yâr
επέμ’να	απόμεινα
επέρεν	πήρε
έρθεν	ήρθε
έσυρες	έσυρες, τράβηξες, έριξες
έταν	ήταν
λέγ’νε	λένε
πολλά	(επίθ.) πολλά, (επίρρ.) πολύ
τρανύντς	μεγαλώνεις, αναθρέφεις	τρανόω-ῶ
ψ̌ης	ψυχής