Προβολή Τραγουδιού

Ας ιεύομε παιδία

Καλλιτέχνες: Άγγελος Βασιλειάδης, Γιώτης Γαβριηλίδης

Ας ιεύομε παιδία
κι ας πίνομε τα ρακία
Τραγωδούμε και γλεντούμε
και εντάμαν ας μεθούμε

Σύρον, ψ̌η μ’, τα τοξαρέας
κι ας ευτάμε εμείς παρέας
Παρακάθι͜α έμορφα,
τραγωδίας ορθά κοφτά

Τοι μειζετέρτς ας θυμούμες
και τ’ ατέτι͜α ας κρατούμε
Ας κουρεύομ’ τον χορόν
σου Κοντού απέσ’ τ’ αλών’

Η κεμεντζ̌έ ους το πουρνόν
ούλτς εμουν θα παλαλών’
Ας σο ρακίν απομεθούμε,
τα παιδία ψαλαφούμε

Γλωσσάρι

Κείμενο	Επεξήγηση	Ετυμ. Ρίζα
αλών’	αλώνι
απέσ’	μέσα
απομεθούμε	ξεμεθάμε
ατέτι͜α	έθιμα, τυπικά (ουσ.)	adet/ʿaded
έμορφα	όμορφα
εμουν	μας
εντάμαν	μαζί
ευτάμε	κάνουμε, φτιάχνουμε	εὐθειάζω
ιεύομε	ταιριάζουμε	uymak
κεμεντζ̌έ	η λύρα	kemençe/kemānçe
Κοντού	μία από τις 4 ενορίες του χωριού Καπίκιοϊ της περιοχής Ματσούκας του Πόντου
κουρεύομ’	στήνουμε	kurmak
μειζετέρτς	ηλικιωμένους, πρεσβύτερους
ούλτς	όλους
ους	ως, μέχρι
παιδία	παιδιά
παλαλών’	τρελαίνει
παρακάθι͜α	συναθροίσεις, ολονυχτίες
πίνομε	πίνουμε
πουρνόν	πρωί, πρωινό, επαύριον
ρακία	(πληθ.) αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
ρακίν	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
σύρον	σύρε, τράβα, ρίξε (προστ.)
τοι	τους/τις
τοξαρέας	δοξαριές
τραγωδίας	τραγούδια
τραγωδούμε	τραγουδάμε
ψ̌η	ψυχή