Εχπάσταμ’ και -ν- έχ’ κι έρχουμες

Προβολή Τραγουδιού

Καλλιτέχνες: Γιώτης Γαβριηλίδης, Παναγιώτης Ασλανίδης

Χάιτε -ν- ας πάμε, παιδία,
τώρα περ’μέν’ η κάλη
Εβγαίν’ απάν’ σ’ εξώπορτον,
περ’μέν’ το παλληκάρι

Χάιτε -ν- ας πάμε, παιδία,
επέρασεν η ώρα
Απ’ ατώρα, μικρόν αρνί μ’,
γελούνε μας η χώρα

Εχπάσταμ’ και -ν- έχ̌’ κι έρχουμες
σ’ οσπιτόπο σου, θεία
Η θαγατέρα σ’ ας κεράζ’
την παρέαν ρακία

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
ατώρα	τώρα
εβγαίν’	βγαίνει
έρχουμες	ερχόμαστε
έχ̌’	έχει
εχπάσταμ’	αναχωρήσαμε, κινήσαμε για
θαγατέρα	κόρη, θυγατέρα
κάλη	η αγαπητή σύζυγος, η σύζυγος
κεράζ’	κεράζει
οσπιτόπο	σπιτάκι	hospitium<hospes + -όπον
παιδία	παιδιά
περ’μέν’	περιμένει
ρακία	(πληθ.) αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
χάιτε	άντε	haydi<hay de (οθωμ.)
χώρα	οι ξένοι γενικά, οι μη οικείοι, η ξενιτειά