Η Σαντά έν’ χιλέμορφος

Προβολή Τραγουδιού

Καλλιτέχνες: Γιώτης Γαβριηλίδης, Κώστας Παναγιωτίδης

Η Σαντά χ̌ιλέμορφος
βάι! με τα ψηλά τ’ ελάτι͜α
Άμον μαργαριτάρι͜α είν’
τη κοριτσίων τ’ ομμάτι͜α

Τα παλληκάρι͜α σ’ τραγωδούν
γλυκέα τραγωδίας
Η κεμεντζ̌έ παίζ’ την καϊτέν
και σείουν τα ραχ̌ία σ’

Σαντά, ας ελάσκουμ’νε
σα εφτά τα μαχαλάδες
κι ετραγώδ’να άμον αηδόν’
κι εγνέφιζα νυφάδες

Σα ραχ̌ία, σα παρχάρι͜α
σα κρύα πεγαδομμάτι͜α
Ας έπινα ας σο νερό σ’
κι επαίρ’να εγώ μουράτι͜α

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
γλυκέα	(επιρρ.) γλυκά
εγνέφιζα	ξυπνούσα
είν’	(για πληθ.) είναι
ελάσκουμ’νε	περιφερόμουν, τριγυρνούσα, περιπλανιόμουν	ἀλάομαι/ηλάσκω
ελάτι͜α	έλατα
επαίρ’να	έπαιρνα
ετραγώδ’να	τραγουδούσα
καϊτέν	μελωδία, μουσική σύνθεση, μουσικός σκοπός	kayde
κεμεντζ̌έ	λύρα	kemençe/kemānçe
μαχαλάδες	γειτονιές	mahalle/maḥalle
μουράτι͜α	επιθυμίες, πόθοι	murat/murād
νυφάδες	νύφες
ομμάτι͜α	μάτια
παρχάρι͜α	ορεινοί τόποι θερινής βοσκής
πεγαδομμάτι͜α	πηγές νερού
ραχ̌ία	ράχες, βουνά
σείουν	σείονται
τραγωδίας	τραγούδια
τραγωδούν	τραγουδάνε
χ̌ιλέμορφος	χιλιόμορφος/η

Προβολή Τραγουδιού

Η Σαντά έν’ χ̌ιλέμορφος