Ποντιακός Στίχος

Προβολή Τραγουδιού

Ποίος έν’; Τίνος έν’;

Αδέσμευτες ελπίδεςΑδέσμευτες ελπίδες

Στιχουργοί: Τάκης Παπαδόπουλος

Συνθέτες: Τάκης Παπαδόπουλος

Καλλιτέχνες: Γιώτης Γαβριηλίδης, Ματθαίος Τσαχουρίδης


Τερέστεν ποίος έρ’ται
που εμπαίν’ σο χορόν -ι [αμάν!]
Έμορφος Παναΐα
κι ακόμαν έν’ μικρόν -ι [βάι!]

[Ωφ! ωφ!] Ποίος έν’; Τίνος έν’;
Απόθεν έν’; [αμάν!]
Έκαψεν την καρδία μ’ [βάι!]

Τερέστεν αΐκα πόια!
Άνθρωπος παλαλούται! [αμάν!]
Πίν’, μεθεί ’κ’ εξέρ’ ντ’ ευτάει,
’ίνεται να σκοτούται [βάι!]

[Ωφ! ωφ!] Ποίος έν’; Τίνος έν’;
Απόθεν έν’; [αμάν!]
Έκαψεν την καρδία μ’ [βάι!]

Αΐκον άλλο ’κ’ είδα!
Άγγελος με κανάτι͜α, [βάι!]
κατηβαίν’ ας σ’ ουράνι͜α
μετ’ αΐκα μουράτι͜α [βάι!]

[Ωφ! ωφ!] Ποίος έν’; Τίνος έν’;
Απόθεν έν’; [αμάν!]
Έκαψεν την καρδία μ’ [βάι!]
Γλωσσάρι
ΚείμενοΕπεξήγησηΕτυμ. ΡίζαΠροέλευση
αΐκατέτοια/ες
αΐκοντέτοιο/α
απόθεναπό που, από όπου
ας σ’(ας σου) από του, από τότε που/αφότου, (ας σο) από το/τα
έμορφοςόμορφος/η
εμπαίν’μπαίνει
έν’είναι
εξέρ’ξέρω/ει, γνωρίζω/ει
έρ’ταιέρχεται
ευτάεικάνει, φτιάχνει εὐθειάζω
’ίνεταιγίνεται
’κ’δεν ουκί<οὐχί
κανάτι͜αφτερά kanat
κατηβαίν’κατεβαίνει
μετ’μαζί με (με αιτιατική), με (τρόπος)
μουράτι͜αεπιθυμίες, πόθοι murat/murād
παλαλούταιτρελαίνεται
πίν’πίνει
πόιαύψη boy
σκοτούταισκοτώνεται
τερέστενκοιτάξτε (προστ.)
τίνοςποιού;

Ποντιακός Στίχος - Pontian Lyrics 2024

Τραγούδια: 7813 | Albums/Singles: 1117 | Συντελεστές: 1525 | Λήμματα: 12584
Επικοινωνία: infoDUMMY@pontianlyrics.gr