Ψέματα

Προβολή Τραγουδιού

Καλλιτέχνες: Γιώτης Γαβριηλίδης, Ματθαίος Τσαχουρίδης

Κρίμα σο πόι σ’, πουλόπο μ’,
κρίμαν και σην εμορφία σ’
Λιφτόν τ’ εσόν τ’ αχουλόπον,
καφενείον η καρδία σ’

Ψέματα, ψέματα,
ψεύτικα φιλέματα
Ψεύτικον έν’ η εγκάλι͜α σ’,
κρίμαν, πουλί μ’, και σα κάλλι͜α σ’

Μίαν τ’ έναν, μίαν τ’ άλλο,
ψέματα και τίποτα άλλο!
Ψέματα και πονηρίας,
όλ’ ο νους ι-σ’ σ’ αμαρτίας

Ψέματα, ψέματα,
ψεύτικα φιλέματα
Ψεύτικον έν’ η εγκάλι͜α σ’,
κρίμαν, πουλί μ’, και σα κάλλι͜α σ’

Εύκολα ομνύ͜εις και κλαις
κι επεκεί χαμογελάς
Δύσκολα έν’ ατά ντο λέω
εσύ, γιάβρι μ’, να ’γροικάς

Ψέματα, ψέματα,
ψεύτικα φιλέματα
Ψεύτικον έν’ η εγκάλι͜α σ’,
κρίμαν, πουλί μ’, και σα κάλλι͜α σ’

Ψέματα, ψέματα,
ψεύτικα φιλέματα
Ψεύτικον έν’ η εγκάλι͜α σ’,
κρίμαν, πουλί μ’, και σα κάλλι͜α σ’

Γλωσσάρι

Κείμενο	Επεξήγηση	Ετυμ. Ρίζα
αμαρτίας	(ον.πληθ., τα) αμαρτίες
ατά	αυτά
αχουλόπον	μυαλουδάκι	akıl/ʿaḳl
γιάβρι	μωρό, μικρό, παιδί	yavru
’γροικάς	καταλαβαίνεις
εγκάλι͜α	αγκαλιά
εμορφία	ομορφιά
έν’	είναι
επεκεί	από εκεί, από τότε, ύστερα, κατόπιν
εσόν	δικός/ή/ό σου
κάλλι͜α	κάλλη
λιφτόν	λειψό μτφ. ανόητο
μίαν	μια φορά
όλ’	όλοι/α
πόι	ύψος, μπόι	boy
πουλόπο	πουλάκι
φιλέματα	φιλιά