Προβολή Τραγουδιού
Είχα είναν μάνα |
Πόντος «Καλαμαριά»Στιχουργοί: Νικόλαος Κετικίδης
Συνθέτες: Νικόλαος Κετικίδης
Καλλιτέχνες: Γιώργος Σιδηρόπουλος, Παναγιώτης Ασλανίδης
Είχα είναν μάνα σον κόσμον απάν’ Νέισσα, νέισσα εχάσεν ατέ τον άντραν ατ’ς Και τσ̌οπάνος εγέντον να τρανύν’ εμάς Γάρη, για την μάνα μ’ λαλίαν μ’ ευτάς¹! Υπόφερεν πολλά τ’ εμόν η μάνα Γάρη, για την μάνα μ’ λαλίαν μ’ ευτάς! Ψωμίν και κρομμύδ’ έτον η ζωή ατ’ς Μάλαμαν χρυσόν έτον η καρδία τ’ς Τάματα εποίκεν σ’ όλι͜α τ’ εκκλησίας Να μη παθάν’νε έναν κακόν σον κόσμον τα παιδία τ’ς Υπόφερεν πολλά τ’ εμόν η μάνα Γάρη, για την μάνα μ’ λαλίαν μ’ ευτάς! Εδέβανε τα χρόνι͜α, τρανύν’νε τα παιδία τ’ς Ατά επαντρεύτανε όλι͜α με την ευχ̌ήν ατ’ς Κι έναν - έναν έφυαν ατά σην ξενιτείαν Εφέκαν τη μάναν σα γεροκομεία Υπόφερεν πολλά τ’ εμόν η μάνα Γάρη, για την μάνα μ’ λαλίαν μ’ ευτάς!
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| απάν’ | πάνω | ||
| ατά | αυτά | ||
| ατέ | αυτή | ||
| ατ’ς | αυτής, της | ||
| γάρη | (κλητ.) Ε! γυναίκα | karı | |
| εγέντον | έγινε | ||
| εδέβανε | (για τόπο) πέρασαν, διέσχισαν (για χρόνο) πέρασαν | διαβαίνω | |
| είναν | έναν, μία | ||
| εμόν | δικός/ή/ό μου | ἐμοῦ | |
| εποίκεν | έκανε, έφτιαξε | ποιέω-ῶ | |
| έτον | ήταν | ||
| ευτάς | κάνεις, φτιάχνεις | εὐθειάζω | |
| εφέκαν | αφήσαν | ||
| έφυαν | έφυγαν | ||
| εχάσεν | έχασε, έδιωξε, πέταξε | ||
| κρομμύδ’ | κρεμμύδι | ||
| λαλίαν | λαλιά, φωνή | ||
| μάλαμαν | ο χρυσός | ||
| νέισσα | νέα | ||
| παθάν’νε | πάθουν | ||
| παιδία | παιδιά | ||
| πολλά | (επίθ.) πολλά, (επίρρ.) πολύ | ||
| τρανύν’ | μεγαλώνω/ει, αναθρέφω/ει | τρανόω-ῶ | |
| τρανύν’νε | μεγαλώνουν, αναθρέφουν | τρανόω-ῶ |
¹ (εκφ.) λαλίαν μ’ ευτάς: μη βγάλεις τσιμουδιά
