Παίξον λύρα

Προβολή Τραγουδιού

Καλλιτέχνες: Στάθης Νικολαΐδης, Φάνης Κουρουκλίδης

Σύρον το τοξάρ’ σα ζίλια,
τ’ έμορφα καρδοχτυπούν
Όνειρα¹ κι έναν ’σπιτόπον
μετ’ εκείντς που αγαπούν⇋

Ζιλ, μεσαίον, συγχορδίαν,
το λυρόπο σ’ μουρδουλίζ’
Εμπαίν’ απέσ’ σα καρδίας,
τ’ ομματόπα μουν κλαινίζ’⇋

Το γαπάν’ παίζ’ κι οι μανάδες
μαύρα πάνε και φορούν
Τα παιδία τουν π’ εχάθαν
κι όσο ζούνε θα πονούν⇋

Παίξον, λύρα, και τα τέρτι͜α
ανθρωπίων γαλενίζ’
Έ͜εις καρδίαν, έ͜εις και γλώσσαν,
λύρα μ’, τοι τερτλήδες τσ̌ί͜εις⇋

Γλωσσάρι

Κείμενο	Επεξήγηση	Ετυμ. Ρίζα
ανθρωπίων	ανθρώπων
απέσ’	μέσα
γαλενίζ’	γαληνεύει
γαπάν’	οι βαρύτονες (μπάσες) τονικότητες μουσικού οργάνου, το βαρύτονα κουρδισμένο (μπάσο) όργανο
έ͜εις	έχεις
εκείντς	εκείνους
έμορφα	όμορφα
εμπαίν’	μπαίνει
εχάθαν	χάθηκαν
ζιλ	οι ψιλά κουρδισμένες χορδές της λύρας, το οξύφωνα κουρδισμένο όργανο	zil
ζίλια	οι ψιλές τονικότητες ενός μουσικού οργάνου
καρδίας	(τη, γεν.) καρδιάς, (τα, ονομ. πληθ.) καρδιές
κλαινίζ’	στενοχωρώ/εί, κάνω/ει κπ να κλάψει
μετ’	μαζί με (με αιτιατική), με (τρόπος)
μουν	μας
μουρδουλίζ’	γρυλλίζει υπόκωφα, παράγει υπόκωφο ήχο
ομματόπα	ματάκια
παιδία	παιδιά
παίζ’	παίζω/παίζει
παίξον	(προστ.) παίξε
’σπιτόπον	(οσπιτόπον) σπιτάκι
σύρον	(προστ.) σύρε, τράβα, ρίξε
τέρτι͜α	καημοί, βάσανα, στενοχώριες	dert
τερτλήδες	βασανισμένοι	dertli
τοι	τους/τις
τοξάρ’	δοξάρι
τουν	τους
τσ̌ί͜εις	λυπάσαι, συμπονάς	σίζω

Σημειώσεις

¹ Ορθ. χρήση του «ονέρ’τα»