Προβολή Τραγουδιού
Μικρός εγώ, μικρέσσα εσύ |
Ψηλά κράτ’ τ’ όνομα σ’Στιχουργοί: Μπάμπης Ποιμενίδης
Συνθέτες: Αθανάσιος Τσολερίδης
Καλλιτέχνες: Γιώργος Ατματσίδης, Μπάμπης Τσολερίδης
Μικρός εγώ, μικρέσσα εσύ, επέγ’ναμε σχολείον Εντάμα εμείς εκάθουμες σο ίδιον το θρανίον⇋ Έλα, κορτσόπον/πουλόπο μ’, μετ’ εμέν ας ’ίνεσαι το ταίρι μ’ και μη κλαινί͜εις το καρδόπο μ’, όμορφον περιστέρι μ’⇋ Ατώρα που ετράνυνες εσέβες σην καρδία μ’ Κι άλλο εμέν ’κι καλατσ̌εύ’ς, ’κι δί’ς με σημασίαν⇋ Έλα, κορτσόπον/πουλόπο μ’, μετ’ εμέν ας ’ίνεσαι το ταίρι μ’ και μη κλαινί͜εις το καρδόπο μ’, όμορφον περιστέρι μ’⇋ Σοφούλα μ’, εσέν αγαπώ, εσέν θέλω να παίρω Και σο κατσί μ’ ξάι ’κι τερείς, ευτάς με κι υποφέρω⇋ Έλα, βάλε τα νυφικά σ’ ας ’ίνουμες ζευγάρι Εσύ άμον πριγκήπισσα, εγώ το παλληκάρι⇋
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ἅμα | |
| ατώρα | τώρα | ||
| δί’ς | δίνεις | ||
| εκάθουμες | καθόμασταν | ||
| εντάμα | μαζί | ||
| επέγ’ναμε | πηγαίναμε | ||
| εσέβες | μπήκες | ||
| ετράνυνες | μεγάλωσες, ανατράφηκες | τρανόω-ῶ | |
| ευτάς | κάνεις, φτιάχνεις | εὐθειάζω | |
| ’ίνεσαι | γίνεσαι | ||
| ’ίνουμες | γινόμαστε | ||
| καλατσ̌εύ’ς | μιλάς, συνομιλείς, συζητάς | keleci=καλός λόγος (Παλαιά Τουρκική Ανατολίας) | |
| καρδόπο | καρδούλα | ||
| κατσί | πρόσωπο, μέτωπο | ||
| ’κι | δεν | οὐκί<οὐχί | |
| κλαινί͜εις | κάνεις κάποιον να κλάψει, στενοχωρείς | ||
| κορτσόπον | κοριτσάκι | ||
| μετ’ | μαζί με (με αιτιατική), με (τρόπος) | ||
| μικρέσσα | μικρή, νεαρή | ||
| ξάι | καθόλου | ||
| παίρω | παίρνω | ||
| πουλόπο | πουλάκι | ||
| τερείς | κοιτάς |
