Ειρήνη

Προβολή Τραγουδιού

Καλλιτέχνες: Γιώργος Ατματσίδης, Στάθης Νικολαΐδης

Μαύρα ’φόρεσεν η ειρήνη
και παρακαλεί:
«Άλλο πόλεμον μ’ ευτάτε
αδ’ απάν’ ση γη»

Μαύρα ’φόρεσεν η ειρήνη
και μοιρολογά
Για το αδικό το αίμαν
και για τα μωρά

Έρθετεν αδά να ζείτε
και ντό θέλετεν;
Με τον πόλεμον δουλείαν
εσείς ’κ’ έχ̌ετεν

Άνθρωπε, για το συμφέρον
ξάι ’κι τσ̌ού͜εις την ψ̌η σ’
Ας σον πόλεμον ’κ’ εξέβεν
κανείνας νικητής

Άμον μάνα εγονάτ’σεν
και κρατεί το χ̌έρ’
Ματωμένον και ντωγμένον
άσπρον περιστέρ’

Ο Χριστόν είπεν ειρήνη
για να ευλογά
τα καρδίας και τα ψ̌ήα,
όλ’ να ζουν καλά

Γλωσσάρι

Κείμενο	Επεξήγηση	Ετυμ. Ρίζα
αδ’	εδώ
αδ’ απάν’	εδώ πάνω
αδά	εδώ
άμον	σαν, όπως, καθώς	ἅμα
απάν’	πάνω
δουλείαν	δουλειά
εγονάτ’σεν	γονάτισε
εξέβεν	βγήκε, ανέβηκε
έρθετεν	ήρθατε
ευτάτε	κάνετε, φτιάχνετε	εὐθειάζω
έχ̌ετεν	έχετε
’κ’	δεν	οὐκί<οὐχί
καρδίας	(τη, γεν.) καρδιάς, (τα, ονομ. πληθ.) καρδιές
’κι	δεν	οὐκί<οὐχί
κρατεί	κρατάει, βαστάει, στέκει, αντέχει
ντωγμένον	χτυπημένο
ξάι	καθόλου
όλ’	όλοι/α
τσ̌ού͜εις	λυπάσαι, συμπονάς	σίζω
χ̌έρ’	χέρι
ψ̌η	ψυχή
ψ̌ήα	ψυχές, η περιοχή του στέρνου, τα εσώψυχα