Ποντιακός Στίχος

Προβολή Τραγουδιού

Σ’ έναν κόσμον παλαλόν

Ψηλά κράτ’ τ’ όνομα σ’Ψηλά κράτ’ τ’ όνομα σ’

Στιχουργοί: Γρηγόρης Κοτανίδης

Συνθέτες: Αθανάσιος Τσολερίδης

Καλλιτέχνες: Γιώργος Ατματσίδης, Μπάμπης Τσολερίδης


Ντ’ άγνον έν’ αούτ’ ο κόσμον!
την παράν έχ’νε για θεόν
Πώς σκοτών’ ο εις τον άλλον!
ο νους ατουν σο κακόν

Αίμα τρώγ’νε, αίμα πίν’νε
και δοξάζ’νε τον Θεόν
Θαρρώ, μάνα, πως ευρέθα
σ’ έναν κόσμον παλαλόν

Πόλεμος για τα παράδες,
το συμφέρον εμπροστά
Και ’κ’ ελέπ’νε τα γεράδες
που αφήν’νε σα μωρά

Αίμα τρώγ’νε, αίμα πίν’νε
και δοξάζ’νε τον Θεόν
Θαρρώ, μάνα, πως ευρέθα
σ’ έναν κόσμον παλαλόν

Τ’ ομματόπα μ’ πριν τσουπώνω
θα ευτάγω έναν ευχ̌ήν
Άλλο δάκρυ͜α κι άλλο πόνι͜α
να μη έρ’τανε ση γην

Αίμα τρώγ’νε, αίμα πίν’νε
και δοξάζ’νε τον Θεόν
Θαρρώ, μάνα, πως ευρέθα
σ’ έναν κόσμον παλαλόν
Γλωσσάρι
ΚείμενοΕπεξήγησηΕτυμ. ΡίζαΠροέλευση
άγνοναλλόκοτο/η, περίεργο/η, σπουδαίο/α, αξιοθαύμαστο/η
αούτ’αυτός/ή/ό
ατουντους
αφήν’νεαφήνουν
γεράδεςπληγές, τραύματα yara
ελέπ’νεβλέπουνε
εμπροστάμπροστά, πρωτύτερα
έν’είναι
έρ’τανεέρχονται
ευρέθαβρέθηκα
ευτάγωκάνω, φτιάχνω εὐθειάζω
έχ’νεέχουνε
’κ’δεν ουκί<οὐχί
ντ’ άγνοντι περίεργο; τι αλλόκοτο; τι αξιοθαύμαστο;
ομματόπαματάκια
παλαλόντρελό
παράδεςλεφτά, χρήματα para/pāre
παράνλεφτά, το χρήμα para/pāre
πίν’νεπίνουν
πόνι͜απόνοι
τρώγ’νετρώνε
τσουπώνωκλείνω

Ποντιακός Στίχος - Pontian Lyrics 2024

Τραγούδια: 7860 | Albums/Singles: 1121 | Συντελεστές: 1524 | Λήμματα: 12572
Επικοινωνία: infoDUMMY@pontianlyrics.gr