Τικ Ριζέ Τραπεζούντας

Προβολή Τραγουδιού

Καλλιτέχνες: Αλέξανδρος Παρχαρίδης, Αντώνης Παπαδόπουλος

Έμπα έμπα σο τσιφτέν
και αν είσαι για σεβτι͜άν
Ποίσον ατώρα πελίν
και κοκκίντσον το κατσίν

Εδήβα σην χαμαιλέτεν,
ελευρώγαν τα γένα̤ μ’
Έπαρ’ με, κόρ’, έπαρ’ με,
πολλά πα γέρος ’κ’ είμαι

Γαρσ̌ί γαρσ̌ί στέκουμες,
τ’ έναν τ’ άλλον τερούμε
Δέβα πέ’ α’ τη μάνα σ’,
τ’ έναν τ’ άλλο ας παίρουμε

Τ’ άλογο μ’, τεμίρ γούριν¹,
τ’ απάν’ τονατεμένον
Σ’ έναν έμορφον κουτσ̌ίδ’
είμαι σουμαδεμένος

Γλωσσάρι

Κείμενο	Επεξήγηση	Ετυμ. Ρίζα
α’	(ατό) αυτό, το
απάν’	πάνω
ατώρα	τώρα
γαρσ̌ί	απέναντι	karşı
γένα̤	γένια
δέβα	(προστ.) πήγαινε
εδήβα	(για τόπο) πέρασα, διέσχισα (για χρόνο) πέρασα
ελευρώγαν	αλευρώθηκαν
έμορφον	όμορφο
έμπα	(προστ.) μπες
έπαρ’	(προστ.) πάρε
’κ’	δεν	οὐκί<οὐχί
κατσίν	πρόσωπο, μέτωπο
κοκκίντσον	(προστ.) κοκκίνισε
κουτσ̌ίδ’	κορίτσι
πα	πάλι, επίσης, ακόμα
παίρουμε	παίρνουμε
πέ’	(προστ.) πες
πελίν	φανερό, εμφανές, πρόδηλο	belli
ποίσον	(προστ.) κάνε, φτιάξε	ποιέω, ποιῶ
πολλά	(επίθ.) πολλά, (επίρρ.) πολύ
σεβτι͜άν	έρωτα, αγάπη	sevda/sevdā
σουμαδεμένος	αρραβωνιασμένος
στέκουμες	στεκόμαστε
τερούμε	κοιτάμε
τονατεμένον	διακοσμημένο, στολισμένο, (για τραπέζι) στρωμένο μεγαλοπρεπώς, καλλωπισμένο	donatma
τσιφτέν	ζευγαρωτός (χορός)	çifte
χαμαιλέτεν	νερόμυλο

Σημειώσεις

¹ Τεμίρ γούριν (demir uğur)=σίδερο γούρικο