Άλλο εμέναν μη αραεύ’ς

Προβολή Τραγουδιού

Τ’ ομμάτι͜α μ’ άλλο ’κ’ επορούν
να κλαίν’ και να δα̤κρούνε
Καμίαν άλλο για τ’ εσέν
’κι θέλω να πονούνε

Άλλο εμέναν μη αραεύ’ς,
από σουμά σ’ θα φεύω
Όντες επαρακάλ’να σε,
εσύ έλεες «’κι θέλω»

Πουλί μ’, εσ’κώθα κι έφυα,
κι ’α κλώσκουμαι καμίαν
Όσον κι αν τυρα̤ννίουμαι
κι ας τρώει με αροθυμίαν

Άλλο εμέναν μη αραεύ’ς,
από σουμά σ’ θα φεύω
Όντες επαρακάλ’να σε,
εσύ έλεες «’κι θέλω»

Όσα χρόνι͜α κι αν δι͜αβαίν’νε,
εγώ ’κι πουσ̌μανεύω
Σ’ αούτ’ τον κόσμον μαναχός
καλλίον ν’ απομένω

Άλλο εμέναν μη αραεύ’ς,
από σουμά σ’ θα φεύω
Όντες επαρακάλ’να σε,
εσύ έλεες «’κι θέλω»

Γλωσσάρι

Κείμενο	Επεξήγηση	Ετυμ. Ρίζα
’α	θα
αούτ’	αυτός/ή/ό/ά
αραεύ’ς	ψάχνεις, αναζητάς, γυρεύεις	aramak
αροθυμίαν	νοσταλγία
δα̤κρούνε	δακρύζουν
δι͜αβαίν’νε	(για τόπο) περνούν, διασχίζουν, (για χρόνο) περνούν (γενικότερα) περνούν, παύουν, τελειώνουν	διαβαίνω
έλεες	έλεγες
επαρακάλ’να	παρακαλούσα
επορούν	μπορούν
εσ’κώθα	σηκώθηκα
έφυα	έφυγα
’κ’	δεν	οὐκί<οὐχί
καλλίον	(επίθ.) καλύτερο, (επίρ.) καλύτερα
καμίαν	ποτέ
’κι	δεν	οὐκί<οὐχί
κλώσκουμαι	γυρίζω, επιστρέφω
μαναχός	μοναχός, μόνος
ομμάτι͜α	μάτια
όντες	όταν
όσα	όσες φορές
πουσ̌μανεύω	μετανιώνω	pişman olmak<paşmān
σουμά	κοντά
τυρα̤ννίουμαι	τυραννιέμαι, ταλαιπωριέμαι
φεύω	φεύγω