Ποντιακός Στίχος

Προβολή Τραγουδιού

Άδικα λόγια απ’ εσέν

Είχα φτερά κι επέταναΕίχα φτερά κι επέτανα

Στιχουργοί: Ανέστης Μωυσής

Συνθέτες: Ανέστης Μωυσής

Καλλιτέχνες: Ανέστης Μωυσής


Έρθα, πουλί μ’, ση μαχαλά σ’
για να μαθάνω, εγώ, νέα [νέι]
Μ’ έναν στόμαν όλ’ για τ’ εσέν
είπαν λόγια, πουλί μ’, βαρέα [νέι]

Ας σα ξένα τα στόματα
ακούω, πουλί μ’, για τ’ εμένα [νέι]
Αΐκα λόγια απ’ εσέν
καμίαν, εγώ, ’κ’ επερ’μένα

Το χωρίο σ’ ενέσπαλα,
τη μαχαλά σ’, εγώ, ’κι αγγεύω [νέι]
Και μετ’ εσέν ντο έσυρα,
εγώ, πουλί μ’, θ’ απιδι͜αβαίνω [νέι]

Πού είσαι, πού κέσ’ λάσ̌κεσαι;
και με τίναν, εσύ, κοιμάσαι; [νέι]
Τ’ αμαρτίας ι-σ’ είν’ πολλά,
Θεόν, εσύ, πώς ’κι φοάσαι; [νέι]

Τ’ οσπίτι σ’ επεβρότ’σες α’
π’ ελέπ’ κανείς εσέν ’κι θέλ’ -τ- σε! [νέι]
Αδά κι ακεί σαλαχανεύ’ς,
εσέν ποίος, πουλί μ’, θα παίρ’ -τ- σε; [νέι]
Γλωσσάρι
ΚείμενοΕπεξήγησηΕτυμ. ΡίζαΠροέλευση
α’(ατό) αυτό, το
αγγεύωαναφέρω
αδάεδώ
αΐκατέτοια/ες
ακείεκεί
αμαρτίας(ον.πληθ., τα) αμαρτίες
απιδι͜αβαίνωφεύγω, αφήνω πίσω, προσπερνώ, ξεπερνώ από + διαβαίνω
βαρέαβαριά, συχνά, πολύ
είν’είναι (για πληθ.)
ελέπ’βλέπει/βλέπω
ενέσπαλαξέχασα
επεβρότ’σεςμόλυνες, ρύπανες
επερ’μέναπερίμενα
έρθαήρθα
έσυραέσυρα, τράβηξα, έριξα
’κ’δεν ουκί<οὐχί
καμίανποτέ
κέσ’εκεί γύρω, εκεί κάπου, εκεί περίπου κέσου
’κιδεν ουκί<οὐχί
λάσ̌κεσαιπεριφέρεσαι, τριγυρνάς, περιπλανιέσαι ἀλάομαι/ηλάσκω
μαθάνωμαθαίνω
μαχαλάγειτονιά mahalle/maḥalle
μετ’μαζί με (με αιτιατική), με (τρόπος)
όλ’όλοι/α
πολλάπολλά (επίθ.), πολύ (επίρ.)
σαλαχανεύ’ςείσαι αργόσχολος/η, τεμπελιάζεις, αλητεύεις salahana<πιθ. εκ του salhane (=σφαγείο), τα αδέσποτα σκυλιά που υπήρχαν στα σφαγεία
τίνανποιον/α
φοάσαιφοβάσαι

Ποντιακός Στίχος - Pontian Lyrics 2024

Τραγούδια: 7813 | Albums/Singles: 1117 | Συντελεστές: 1525 | Λήμματα: 12584
Επικοινωνία: infoDUMMY@pontianlyrics.gr