Ση γερὰ μ’, γεράν ένοιξες

Προβολή Τραγουδιού

Εκάλεσε με -ν- με ρακίν
να πάω ση χαράν ατ’ς
Να πάω παίζω κεμεντζ̌έν
κι άλλος να έν’ σο γιάν’ ατ’ς

Θα έρχουμαι παίζω κεμεντζ̌έν,
θα σύρω τραγωδίας
Θα λέγ’ ατα σεβνταλία
να καίγω την καρδία σ’

Με το θα ενεσπάλ’να σε
είδα σε -ν- αλλομίαν
Ση γερὰ μ’, γεράν ένοιξες,
’κι λαρούται καμίαν

Αρ’ όντες έκ’σα το, πουλί μ’,
εσέν πως θα παντρεύ’νε
σ’ άλλ’ την ημέραν ’κι πάγ̆ω,
εμέναν θα κηδεύ’νε!

Αρνί μ’, σο ταφί μ’ μ’ έρχεσαι
εμέν όντες θα κλαίγ’νε
Και -ν- ας σ’ όλια τα στόματα
ντ’ έφαες με, θα λέγ’νε

Γλωσσάρι

Κείμενο	Επεξήγηση	Ετυμ. Ρίζα
αλλομίαν	άλλη μια φορά
ας σ’	(ας σου) από του, από τότε που/αφότου, (ας σο) από το/τα
ατα	αυτά
ατ’ς	αυτής, της
γερὰ	πληγή, τραύμα	yara
γεράν	πληγή, τραύμα	yara
γιάν’	πλάι, πλευρά	yan
έκ’σα	άκουσα
έν’	είναι
ένοιξες	άνοιξες
έρχουμαι	έρχομαι
έφαες	έφαγες
καμίαν	ποτέ
κεμεντζ̌έν	λύρα	kemençe/kemānçe
’κι	δεν	οὐκί<οὐχί
κλαίγ’νε	κλαίνε
λαρούται	γιατρεύεται, θεραπεύεται
λέγ’νε	λένε
όλια	όλα
όντες	όταν
παντρεύ’νε	παντρεύουν, παντρεύονται
ρακίν	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
σεβνταλία	ερωτοχτυπημένα, ερωτευμένα, ερωτικά	sevdalı
σύρω	σέρνω, τραβώ, ρίχνω
ταφί	τάφο
τραγωδίας	τραγούδια