Εκομπώθα ’ς σ’ ομματόπα σ’

Προβολή Τραγουδιού

Εφώταξεν ο πρόσωπο σ’
και -ν- απέσ’ ση σκοτίαν
Τη νύχταν εκαπάτεψεν
τ’ εσόν η εμορφία

Εκομπώθα ας σ’ ομματόπα σ’,
νε τσούνα Γεμουρέτ’σσα¹
Σα χ̌έρι͜α σ’ γυροκλώ͜εις ’μένα
άμον την καρμενέτσα

Τα χωρία όλα ελάστα τα,
σα Θοδωράκια εκάτσα
Σε Γεμουρέτ’κον σ̌κύλ’ κουτάβ’
το σεβνταλούκ’ εμάτσα

Ο Θεόν πα αν λέει μ’ ατο,
πουλί μ’, ν’ αφήνω εσέναν
Σην εκκλησίαν ’κι πατώ,
’κι προσ̌κυνώ κανέναν

Ατό η εμορφάδα σου
ομοι͜άζ’ τη Παναΐας
Πουλί μ’, άμα ’κι παίρω σε -ν-
θα ’ίνουμαι εγκληματίας

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
απέσ’	μέσα
ας σ’	(ας σου) από του, από τότε που/αφότου, (ας σο) από το/τα
γυροκλώ͜εις	κλωθογυρίζεις
εκαπάτεψεν	σκέπασε, κάλυψε, έκλεισε κπ/κτ σε κτ	kapatmak
εκάτσα	κάθισα
εκομπώθα	ξεγελάστηκα, εξαπατήθηκα, μτφ. σαγηνεύτηκα	κομβόω
ελάστα	περιφέρθηκα, τριγύρισα, περιπλανήθηκα	ἀλάομαι/ηλάσκω
εμάτσα	έμαθα κτ σε κπ, δίδαξα	μαθίζω
εμορφάδα	ομορφιά
εμορφία	ομορφιά
εσόν	δικός/ή/ό σου
εφώταξεν	φώτισε
’ίνουμαι	γίνομαι
καρμενέτσα	αδράχτι	kirmen<eğirmen
’κι	δεν	οὐκί<οὐχί
ομματόπα	ματάκια
ομοι͜άζ’	ομοιάζει, μοιάζει
πα	πάλι, επίσης, ακόμα
παίρω	παίρνω
σεβνταλούκ’	έρωτας	sevdalık
σκοτίαν	σκοτάδι
σ̌κύλ’	(γεν.) σκύλου
τσούνα	σκύλα	κύων→κύαινα
χωρία	χωριά

Σημειώσεις

¹ Αυτή που είναι από την Γέμουρα ή Γεμουρά (σημ. Yomra) χωριό και σημερινό προάστιο 14 χλμ. ανατολικά της Τραπεζούντας