Ο άνθρωπον τον άνθρωπον φοάται

Προβολή Τραγουδιού

expand_content

Κόρη μ’, απάν’ σο ίδρωμα σ’
κι απάν’ ση νεγκασία σ’
Έναν φίλεμαν ας θέκω
σο χ̌ι͜ονάρ’ την καρδία σ’

Τα νεότητα όντες είχα
είχα και νοστιμάδας
Τα χρόνι͜α μ’ επιδέβανε,
εχάθαν τ’ εμορφάδας

Τα χρόνι͜α όσον δι͜αβαίν’νε
η καλοσύνι͜α χάται
Έρθεν καιρός ο άνθρωπον
τον άνθρωπον φοάται

Κουρτώ, κουρτώ, πυκνοκουρτώ,
κουρτώ και ξεροβέχω
Εθαρρώ θα φουρκίουμαι
εσέναν όντες ’κ’ έχω

Έπα ρακίν, έπα κρασίν,
μεθυσμένος εκλώστα
Τα στράτας ι-μ’ δελι͜άουνταν,
τ’ οσπίτι μ’ πα ’κ’ εγνώρτσα

Τα μαλλόπα σ’ εκχ̌ύανε
άμον τσ̌αβταρί’ στάχ̌υ͜α
Ατέ σεβντάν ’κι πιλτουρεύ’,
πεσπελίμ ’κ’ έχ̌’ χαβάσι͜α!

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
απάν’	πάνω
ατέ	αυτή
δελι͜άουνταν	περιπλέκονται, μπερδεύονται, σκοντάφτουν	θηλιάζω<θῆλυς
δι͜αβαίν’νε	(για τόπο) περνούν, διασχίζουν, (για χρόνο) περνούν (γενικότερα) περνούν, παύουν, τελειώνουν	διαβαίνω
εγνώρτσα	γνώρισα
εθαρρώ	θαρρώ, νομίζω, υποθέτω
εκλώστα	γύρισα, επέστρεψα
εκχ̌ύανε	εκχύθηκαν, χύθηκαν, εξέρρευσαν	εκχύνω<ἐγχέω< ἐν + χέω
εμορφάδας	(ον. πληθ.) ομορφιές ή (γεν. ενικ.) ομορφιάς
έπα	ήπια
επιδέβανε	έφυγαν, άφησαν πίσω, προσπέρασαν, ξεπέρασαν
έρθεν	ήρθε
έχ̌’	έχει
εχάθαν	χάθηκαν
θέκω	θέτω, τοποθετώ, βάζω
’κ’	δεν	οὐκί<οὐχί
καλοσύνι͜α	καλοσύνη
’κι	δεν	οὐκί<οὐχί
κουρτώ	καταπίνω
μαλλόπα	μαλλάκια
νεγκασία	κούραση
νεότητα	νιότη, νιάτα
νοστιμάδας	νοστιμιές
ξεροβέχω	ξεροβήχω
όντες	όταν
οσπίτι	σπίτι	hospitium<hospes
πα	πάλι, επίσης, ακόμα
πεσπελίμ	προφανώς	besbelli
πιλτουρεύ’	γνωστοποιεί, ανακοινώνει, μεταδίδει	bildirmek
πυκνοκουρτώ	καταπίνω με μεγάλη συχνότητα
ρακίν	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
σεβντάν	αγάπη, έρωτα	sevda/sevdā
στράτας	(ονομ.) δρόμοι, (αιτ.) δρόμους
τσ̌αβταρί’	σίκαλης	çavdar
φίλεμαν	φιλί
φοάται	φοβάται
φουρκίουμαι	πνίγομαι
χ̌ι͜ονάρ’	κατάλευκο (σαν το χιόνι)
χαβάσι͜α	ευδιαθεσίες, επιθυμίες, γούστα	heves
χάται	χάνεται