Προβολή Τραγουδιού
Κρούν τα καμπάνας |
Ο άνθρωπον τον άνθρωπον φοάταιΣτιχουργοί: Ανέστης Μωυσής
Συνθέτες: Ανέστης Μωυσής
Καλλιτέχνες: Ανέστης Μωυσής
Κρού’ν τα καμπάνας, μάνα, κρού’ν, εσ’κώθαν τα χωρία Τρανόν κακόν εχτέθαμε με την γενοκτονίαν Αίματα αδά, αίματα ακεί, γούλας μαχ̌αιρωμένα Τ’ εμέτερα τα χώματα όλια αιματοβάμμενα Κλαίνε μανάδες, κλαίν’ μωρά, κλαίνε χαμενοπαίδι͜α Αφήνομε τ’ οσπίτι͜α μουν, του Πόντου μουν τα μέρι͜α Αίματα αδά, αίματα ακεί, γούλας μαχ̌αιρωμένα Τ’ εμέτερα τα χώματα όλια αιματοβάμμενα Σον τόπον ντ’ εγεννέθαμε οπίσ’ επέμ’ναν ψ̌ήα Εταουτεύταν τ’ εμετέρ’, έκαψαν τα χωρία Αίματα αδά, αίματα ακεί, γούλας μαχ̌αιρωμένα Τ’ εμέτερα τα χώματα όλια αιματοβάμμενα Άλλ’ κάθουνταν και χ̌αίρουνταν τ’ εμέτερα τα μέρι͜α Εφέκαμ’ την Αγια-Σοφιά σ’ απετσ̌έρευτα χ̌έρι͜α Αίματα αδά, αίματα ακεί, γούλας μαχ̌αιρωμένα Τ’ εμέτερα τα χώματα όλια αιματοβάμμενα
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αδά | εδώ | ||
| ακεί | εκεί | ||
| απετσ̌έρευτα | ανίκανα, ακατάλληλα | becermek | |
| αφήνομε | αφήνουμε | ||
| γούλας | (ον. πληθ.) λαιμοί, (γεν. εν.) λαιμού | gula | |
| εγεννέθαμε | γεννηθήκαμε | ||
| εμετέρ’ | δικοί μου/μας | ἡμέτερος | |
| εμέτερα | δικά μου/μας | ἡμέτερος | |
| επέμ’ναν | απόμειναν | ||
| εσ’κώθαν | σηκώθηκαν | ||
| εταουτεύταν | σκόρπισαν, διασκορπίστηκαν | dağıtmak | |
| εφέκαμ’ | αφήσαμε | ||
| εχτέθαμε | αποκτήσαμε | ||
| κάθουνταν | κάθονται | ||
| καμπάνας | (ον.πληθ., τα) καμπάνες | ||
| κρού’ν | χτυπούν | κρούω | |
| μέρι͜α | μέρη | ||
| μουν | μας | ||
| όλια | όλα | ||
| οπίσ’ | πίσω | ||
| οσπίτι͜α | σπίτια | hospitium<hospes | |
| χ̌αίρουνταν | χαίρονται | ||
| χωρία | χωριά | ||
| ψ̌ήα | ψυχές, η περιοχή του στέρνου, τα εσώψυχα |
