Εγώ είμαι ας σον Πόντον

Προβολή Τραγουδιού

Εγώ είμαι ας σον Πόντον,
Πόντιος κεμεντσ̌ετσ̌ής
Εγώ είμαι ας σον Πόντον,
Μάτσ̌καλης κεμεντσ̌ετσ̌ής
Τραγωδι͜άνος, μασχαρι͜άνος,
πολλά τσ̌ιμπουσ̌λής

Έλα τ’ εμόν σ̌ιταντάνα!
Έλα τ’ εμόν εγλεντζ̌έ!
Τραγωδώ και για τ’ εσένα
παίζω κεμεντζ̌έ

Έλα, έλα περιστέρι μ’!
’σάν ατόν εσέν που παίρ’!
Έλα, χόρεψον σο χ̌έρι μ’
τ’ εμόν το σ̌εκέρ’

Έλα παρχαρί’ ρομάνα,
μανουσ̌άκι μ’, τουτουγιάν’!
Χόρεψον, νασάν εμέναν,
και σ’ εμόν το γιάν’

Έλα, τύλτσον τα μαλλία σ’
ολόερα ση γούλα μ’
και -ν- ας σο καρδόπο μ’ σβήσον
ντ’ έψ̌ες την βρούλαν

Έλα τη ψ̌ης ι-μ’ το ψ̌όπο μ’!
Έλα τη ματί’ μ’ το φως!
Έλα, έμπα σ’ εγκαλιόπο μ’,
σάεψον είμ’ αδελφός

Γλωσσάρι

Κείμενο	Επεξήγηση	Ετυμ. Ρίζα
βρούλαν	φλόγα	brûler
γιάν’	πλάι, πλευρά	yan
γούλα	λαιμός	gula
εγκαλιόπο	αγκαλίτσα
εγλεντζ̌έ	ψυχαγωγικό μέσο, μέσο με το οποίο απασχολείται κάποιος ευχάριστα	eğlence
εμόν	δικός/ή/ό μου	ἐμοῦ
έμπα	(προστ.) μπες
έψ̌ες	άναψες
καρδόπο	καρδούλα
κεμεντζ̌έ	λύρα	kemençe/kemānçe
κεμεντσ̌ετσ̌ής	λυράρης	kemençeci<kemānçe
μανουσ̌άκι	μενεξές/βιολέτα	մանուշակ (manušak)<manafšak
μασχαρι͜άνος	που προκαλεί γέλιο και ευθυμία, αστείος	maskara/masḫara
ματί’	ματιού
νασάν	χαρά σε
ολόερα	ολόγυρα
παίρ’	παίρνω/ει
παρχαρί’	θερινού βοσκότοπου (παρχαριού)
πολλά	(επίθ.) πολλά, (επίρρ.) πολύ
ρομάνα	παρχαρομάνα, γυναίκα επιφορτισμένη με την επιμέλεια των ζώων και άλλες γαλακτοκομικές εργασίες στο παρχάρι (θερινό βοσκοτόπι)
σάεψον	(προστ.) υπολόγισε, εκτίμησε, λογάριασε	saymak
’σάν	(νασάν) χαρά σε
σβήσον	(προστ.) σβήσε
σ̌εκέρ’	ζάχαρη, γλυκό/ά	şeker < şakar (περσ.) < śakkharā (οψ. σανσκ.) < śárkarā (σανσκριτ.)
σ̌ιταντάνα	αυτή που τραντάζεται, σείεται ολόκληρη	πιθ. εκ του (επιτατ.) συν+τανταλίζω
τουτουγιάν’	το φυτό αμάραντος (Helichrysum stoechas – Ελίχρυσος ο πολύτιμος)	dudiye otu/tutuya
τραγωδι͜άνος	τραγουδιστής
τραγωδώ	τραγουδάω
τσ̌ιμπουσ̌λής	χαροκόπος, εύθυμος, που του αρέσει να γλεντάει	cümbüşlü<cunbiş, πιθ. εκ του αρχ. συμπόσιον
τύλτσον	(προστ.) τύλιξε
χόρεψον	(προστ.) χόρεψε
ψ̌ης	ψυχής
ψ̌όπο	ψυχούλα