Μάνα, αβούτον παίρ’ ατον

Προβολή Τραγουδιού

Καλλιτέχνες: Βλαδίμηρος Χαραλαμπίδης

Μέντσον κι έπαρ’ με, κορτσόπον,
σην οτά σ’, σην οτά σ’
Αγκαλι͜άστ’ και φίλ’ με, ρίζα μ’, μ’ ερωτάς

Τον πατέρα σ’ και τη μάνα σ’ πέ’ ατο
«Μάνα, αβούτον τον παιδάν, θα παίρ’ ατον»

Σο παράθυρον το φως
άφ’ς ανοιχτόν, ανοιχτόν
Ασ’ τ’ ελέπω σε, η καρδία μ’ μη μερών’

Τον πατέρα σ’ και τη μάνα σ’ πέ’ ατο
«Μάνα, αβούτον τον παιδάν, θα παίρ’ ατον»

Άφ’ς την πόρτα σ’ ανοιχτόν
να έρχουμαι, να έρχουμαι
Αροθυμώ σε κι ας σα δάκρυ͜α βρέχουμαι

Τον πατέρα σ’ και τη μάνα σ’ πέ’ ατο
«Μάνα, αβούτον τον παιδάν, θα παίρ’ ατον»

Γλωσσάρι

Κείμενο	Επεξήγηση	Ετυμ. Ρίζα
αβούτον	αυτόν
αγκαλι͜άστ’	(προστ.) αγκάλιασε
αροθυμώ	νοσταλγώ
ασ’	από
άφ’ς	(προστ.) άφησε
ελέπω	βλέπω
έπαρ’	(προστ.) πάρε
έρχουμαι	έρχομαι
ερωτάς	ρωτάς
κορτσόπον	κοριτσάκι
μέντσον	(προστ.) ειδοποίησε, στείλε μήνυμα, πληροφόρησε, παρήγγειλε	μηνύω
μερών’	μερώνει, ξημερώνει
οτά	δωμάτιο	oda
παιδάν	παιδί αγόρι
παίρ’	παίρνω/ει
πέ’	(προστ.) πες
φίλ’	(προστ. φιλώ) φίλα, (πληθ. φίλον) φίλοι