Η αμαζόνα του Πόντου

Προβολή Τραγουδιού

Καλλιτέχνες: Θόδωρος Παυλίδης, Στέλιος Χαλκίδης

Σην Ευρώπην η σημαία
και το γαλανόν
Εκυμάτ’σεν σα ουράνι͜α
τ’ άσπρον ο σταυρόν

Παλληκάρι͜α είν’ σο γιάν’ ατ’ς
και σταυραετοί
Παλληκάρι͜α ας σον Πόντον
είν’ άμον θεοί

Γιορτήν σ’ όλον την Ελλάδαν,
γιορτήν εθνικόν!
Αμαζόνα φέρ’ τη νίκην
το ποντιακόν

Παλληκάρι͜α είν’ σο γιάν’ ατ’ς
και σταυραετοί
Παλληκάρι͜α ας σον Πόντον
είν’ άμον θεοί

Τη Βούλαν την Πατουλίδου
ποίος έφτανεν;
Φτερά είχ̌εν σα ποδάρα̤ τ’ς
και επέτανεν

Παλληκάρι͜α είν’ σο γιάν’ ατ’ς
και σταυραετοί
Παλληκάρι͜α ας σον Πόντον
είν’ άμον θεοί

Ετυλίεν τη σημαίαν
το ελληνικόν
Σο ταμάρ’ν ατ’ς και το αίμαν
έν’ ποντιακόν

Παλληκάρι͜α είν’ σο γιάν’ ατ’ς
και σταυραετοί
Παλληκάρι͜α ας σον Πόντον
είν’ άμον θεοί

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
ατ’ς	αυτής, της
γιάν’	πλάι, πλευρά	yan
είν’	(για πληθ.) είναι
έν’	είναι
επέτανεν	πετούσε
ετυλίεν	τυλίχθηκε
ποδάρα̤	πόδια
ποίος	(ερωτημ.) ποιός, (αναφ.αντων.) όποιος
ταμάρ’ν	φλέβα	damar
φέρ’	φέρνω/ει