Σαρίκουζ

Προβολή Τραγουδιού

Καλλιτέχνες: Δημήτρης Πιπερίδης, Χρύσανθος Θεοδωρίδης

Ακεί πέραν σ’ ορμανόπον
θα χτίζω το καλυβόπο μ’
Θα σ̌κεπάζ’ α’ πιτσ̌ιμλία
ξεροχόρταρα, κλαδία

Σο μικρόν το καλυβόπο μ’
θ’ αφήνω παραθυρόπον
’Σέν ελέπω και τ’ αρνόπα σ’
και πώς σερεύ’ς τα τσατσόπα σ’

Για τ’ εμάς τοι δύ’ς θα χτίζ’ α’,
έμπρ’ παχτσ̌έν για να ποτίζ’ α’
Αν θέλτς με κι εσύ, πουλόπο μ’,
έλα ’ινι͜άναι τ’ εσ̌όπο μ’

Θα σερεύ’ς εσύ τσατσία,
θ’ άφ’ς και τσ̌άχ’ να ’φτας φαΐα
Χαβίτς, συρόν σκορδωμένον
και τη σ̌ουρβάν τανωμένον

Γλωσσάρι

Κείμενο	Επεξήγηση	Ετυμ. Ρίζα
α’	(ατό) αυτό, το
ακεί	εκεί
αρνόπα	αρνάκια
άφ’ς	(προστ.) άφησε
δύ’ς	δύο
ελέπω	βλέπω
έμπρ’	(έμπρου) εμπρός, μπροστά
εσ̌όπο	(υποκορ.) ταίρι, έτερο ήμισυ, σύντροφος	eş + -όπον
θέλτς	θέλεις
’ινι͜άναι	για να γίνεις
ορμανόπον	δασάκι	orman
παραθυρόπον	παραθυράκι
παχτσ̌έν	κήπος, περιβόλι	bahçe/bāġçe
πιτσ̌ιμλία	όμορφα, καλοσχηματισμένα, κομψά	biçimli
ποτίζ’	ποτίζω/ει, δίνω/ει σε κπ να πιει
πουλόπο	πουλάκι
σερεύ’ς	μαζεύεις, συγκεντρώνεις	σωρεύω
σ̌κεπάζ’	σκεπάζω/ει
σ̌ουρβάν	σούπα από ξεφλουδισμένο και χοντροκομμένο σιτάρι ή κριθάρι	çorba/şūrbā
τανωμένον	το αρτυσμένο με τάνιν φαγητό (ιδίως σούπες, τάνιν= το γιαούρτι που απομένει μετά την αφαίρεση του βουτύρου)
τοι	τους/τις
τσατσία	ξεροκλάδια θάμνων, φρύγανα
τσατσόπα	ξεροκλάδια θάμνων, φρύγανα
τσ̌άχ’	τζάκι	ocak
φαΐα	φαγητά
’φτας	(ευτάς) κάνεις, φτιάχνεις	εὐθειάζω
χαβίτς	είδος εδέσματος που γίνεται με καλαμποκάλευρο και ανθόγαλα ή βούτυρο