Όσον θα ζεις κακόν μ’ ευτάς

Προβολή Τραγουδιού

Καλλιτέχνες: Δημήτρης Πιπερίδης, Χρύσανθος Θεοδωρίδης

Ταβρανεύτ’, τρέξον η ζωή
αγλήγορα τελείται
[Ντό να ’ίνουμαι;]
Σο τέλος έρ’ται ο θάνατον
και σο κιφάλι σ’ κείται
[Ντό να ’ίνουμαι;]

Όσον θα ζεις κακόν μ’ ευτάς,
θα έρ’ται σο κιφάλι σ’
[Ντό να ’ίνουμαι;]
Ήντι͜αν θα θρύφτς σο πιάτο σ’
θα έρ’ται σο χουλιάρι σ’
[Ντό να ’ίνουμαι;]

Κούρφιξον, μη κατηγορείς,
φάσον τον πεινασμένον
[Ντό να ’ίνουμαι;]
Ποίσον γιαρτίμ τον ανήμπορον,
πότ’σον τον διψασμένον
[Ντό να ’ίνουμαι;]

Αέτσ’ αν ευτάς, ας εξέρτς
παίρτς τη Θεού την χάρην
[Ντό να ’ίνουμαι;]
Κι αν ’ποθάντς φωτοστέφανον
θα τυλίζ’ το κεφάλι σ’
[Ντό να ’ίνουμαι;]

Γλωσσάρι

Κείμενο	Επεξήγηση	Ετυμ. Ρίζα
αγλήγορα	γρήγορα
αέτσ’	έτσι
γιαρτίμ	βοήθεια, υποστήριξη, συμπαράσταση	yardım
εξέρτς	ξέρεις, γνωρίζεις
έρ’ται	έρχεται
ευτάς	κάνεις, φτιάχνεις	εὐθειάζω
ήντι͜αν	οτιδήποτε, ό,τι
θάνατον	θάνατος
θρύφτς	κομματιάζεις
’ίνουμαι	γίνομαι
κείται	κείτεται, ξαπλώνει
κιφάλι	κεφάλι
κούρφιξον	(προστ.) παίνεψε
παίρτς	παίρνεις
’ποθάντς	(αποθάντς) πεθάνεις
ποίσον	(προστ.) κάνε, φτιάξε	ποιέω, ποιῶ
πότ’σον	(προστ.) πότισε
ταβρανεύτ’	προετοιμάσου, συμμορφώσου, διαχειρίσου	davranmak
τελείται	(αμτβ.) τελειώνει, εξαντλείται, μτφ. πεθαίνει
τρέξον	(προστ.) τρέξε
τυλίζ’	τυλίγω/ει
φάσον	(κ. φάισον) (προστ.) τάισε
χουλιάρι	κουτάλι	κοχλιάριον