Ποντιακός Στίχος

Προβολή Τραγουδιού

Κατεβάστε τους στίχους σε PDF

Αφιέρωμα στον Χρήστο Χρυσανθόπουλο

Η ιστορία συνεχίζεταιΗ ιστορία συνεχίζεται

Στιχουργοί: Χρύσανθος Θεοδωρίδης

Συνθέτες: Χρύσανθος Θεοδωρίδης

Καλλιτέχνες: Δημήτρης Πιπερίδης, Χρύσανθος Θεοδωρίδης


Το τέρτ’ εδέκεν ο Θεόν,
[πουλί μ’, ο Θεόν]
’νέσπαλεν το τερμάνι μ’
Τ’ εμόν την ψ̌ην Ατός να παίρ’
[πουλί μ’, Ατός να παίρ’]
εσέγκεν α’ νισ̌άνιν

’Κ’ επρόφτασα ο άχαρον
[πουλί μ’, ο άχαρον]
να χ̌αίρουμαι ολίγον
Προτού χορτάζω τη ζωήν
[πουλί μ’, τη ζωήν]
κουντά και λέει με «οφύγον»

Εγώ ασ’ εγεννέθα κιάν’
[εγεννέθα κιάν’]
τ’ όνομα σ’ έν’ σο στόμαν
Κι άλλα μουράτι͜α έχω εγώ,
[πουλί μ’, έχω εγώ]
άφ’ς με να ζω ακόμαν

Ρούζω για ύπνον σο κρεβάτ’
[πουλί μ’, σο κρεβάτ’]
Ατσ̌ά θα εγνεφίζω;
Άφ’ς με ας προφτάνω ο άχαρον
[πουλί μ’, ο άχαρον]
τα κορτσόπα μ’ ν’ αντρίζω
Γλωσσάρι
ΚείμενοΕπεξήγησηΕτυμ. ΡίζαΠροέλευση
α’(ατό) αυτό, το
αντρίζωβρίσκω άντρα, παντρεύω/ομαι
ασ’από
ατόςαυτός
ατσ̌άάραγε acep/ʿaceb
άφ’ς(προστ.) άφησε
εγεννέθαγεννήθηκα
εγνεφίζωξυπνώ
εδέκενέδωσε
εμόνδικός/ή/ό μου ἐμοῦ
έν’είναι
εσέγκενέβαλε, εισήγαγε
’κ’δεν οὐκί<οὐχί
κιάν’και άνω, και εξής, και πέρα
κορτσόπακοριτσάκια
κουντάσπρώχνει
μουράτι͜αεπιθυμίες, πόθοι murat/murād
’νέσπαλεν(ενέσπαλεν) ξέχασε
νισ̌άνινσημάδι, στόχος, αρραβώνας nişan/nişān
ολίγονλίγο
οφύγον(προστ.) φύγε
παίρ’παίρνω/ει
ρούζωπέφτω, ρίπτω
τερμάνιθεραπεία, δύναμη, μτφ. λύση derman/dermān
τέρτ’καημός, βάσανο, (ονομ.) στενοχώρια dert
χ̌αίρουμαιχαίρομαι
χορτάζωχορταίνω
ψ̌ηνψυχή

Ποντιακός Στίχος - Pontian Lyrics 2025

Τραγούδια: 9415 | Albums/Singles: 1615 | Συντελεστές: 1932 | Λήμματα: 15790
Επικοινωνία: infoDUMMY@pontianlyrics.gr