Ποντιακός Στίχος

Προβολή Τραγουδιού

Αδά σο καταλάι απάν’

Τ’ αηδόνια του ΠόντουΤ’ αηδόνια του Πόντου

Στιχουργοί: Χρύσανθος Θεοδωρίδης

Συνθέτες: Χρύσανθος Θεοδωρίδης

Καλλιτέχνες: Χρήστος Χρυσανθόπουλος, Χρύσανθος Θεοδωρίδης


[Ωχ!] Αδά σο καταλάι απάν’
πολλούς εμεταλλάες
Ο Θεός κι η ψ̌η σ’, νε πουτσή,
με τίναν ενεπάες;

Η σεβντά σ’ έν’ άψιμον,
σην καρδι͜ά μ’ δί’ κάψιμον
Καίγ̆εται, μανίεται,
πασ̌τάν πώς βρουλίεται!

[Ωχ!] Αρνί μ’, εγώ, νασάν εμέν,
’φτάγω το σεβνταλούκι μ’
Πεσπελί ’ίνεσαι γουρπάν’,
κόρη, σο γιοσμαλούκι μ’

Η σεβντά σ’ έν’ άψιμον,
σην καρδι͜ά μ’ δί’ κάψιμον
Καίγ̆εται, μανίεται,
πασ̌τάν πώς βρουλίεται!

Θαρρείς έν’ ο παράδεισον
τ’ εσόν-α η εγκάλια -ν-
Εμέτσανε με, νε κουτσ̌ή,
όλια τ’ εσά τα κάλλι͜α

Η σεβντά σ’ έν’ άψιμον,
σην καρδι͜ά μ’ δί’ κάψιμον
Καίγ̆εται, μανίεται,
πασ̌τάν πώς βρουλίεται!
Γλωσσάρι
ΚείμενοΕπεξήγησηΕτυμ. ΡίζαΠροέλευση
αδάεδώ
απάν’πάνω
άψιμονφωτιά
βρουλίεταιφλέγεται, καίγεται brûler
γιοσμαλούκικομψότητα, λεβεντοσύνη yosmalık
γουρπάν’θυσία kurban/ḳurbān
δί’δίνει
εγκάλιααγκαλιά
εμεταλλάεςενάλλαξες, χρησιμοποίησες εναλλάξ
εμέτσανεμεθύσανε
έν’είναι
ενεπάεςαναπαύτηκες
εσάδικά σου/σας
εσόνδικός/ή/ό σου
’ίνεσαιγίνεσαι
κάλλι͜ακάλλη
καταλάικαιρός, περίοδος, χρονικό διάστημα
κουτσ̌ήκόρη
μανίεταιμαυρίζει/μουντζουρώνεται από την καπνιά, καταστρέφεται, κατακαίγεται μέχρι καπνιάς
νασάνχαρά σε
όλιαόλα
πασ̌τάνολωσδιόλου, εντελώς baştan
πεσπελίπροφανώς besbelli
πουτσήκόρη, νέα κοπέλα bucak
σεβντάαγάπη, έρωτας sevda/sevdā
σεβνταλούκιέρωτας sevdalık
τίνανποιον/α
’φτάγω(ευτάγω) κάνω, φτιάχνω εὐθειάζω
ψ̌ηψυχή

Ποντιακός Στίχος - Pontian Lyrics 2024

Τραγούδια: 8001 | Albums/Singles: 1225 | Συντελεστές: 1599 | Λήμματα: 13740
Επικοινωνία: infoDUMMY@pontianlyrics.gr