Ποντιακός Στίχος

Προβολή Τραγουδιού

Ο πρόσωπος σ’ μανουσ̌άκ’

Τ’ αηδόνια του ΠόντουΤ’ αηδόνια του Πόντου

Στιχουργοί: Χρύσανθος Θεοδωρίδης

Συνθέτες: Χρύσανθος Θεοδωρίδης

Καλλιτέχνες: Δημήτρης Κουγιουμτζίδης, Χρύσανθος Θεοδωρίδης


Ο πρόσωπος σ’ μανουσ̌άκ’
και η μύρα σ’ σκουντουλίζ’
Η εγκάλι͜α μ’ έν’ τεσ̌άκ’
ζεστόν, εσέν να κοιμίζ’

Σην εγκάλι͜α μ’ παίρω σε
κι αρχινώ και μερμηκώ
Παλαλούμαι, θέλω σε
κι άντζ̌αχ ύπνον εγροικώ

Το πρώι όντες μερών’,
έρ’ται με η νύχτα μικρόν
Ο ήλιον γιατί ν’ εβγαίν’
και φεύ’ς σουμά απ’ εμέν;
Γλωσσάρι
ΚείμενοΕπεξήγησηΕτυμ. ΡίζαΠροέλευση
άντζ̌αχμόλις που, μετά βίας, τότε μόνο ancak
εβγαίν’βγαίνει
εγκάλι͜ααγκαλιά
εγροικώκαταλαβαίνω
έν’είναι
έρ’ταιέρχεται
έρ’ται μεμου έρχεται, μου φαίνεται
κοιμίζ’κοιμίζω/ει
μανουσ̌άκ’μενεξές/βιολέτα մանուշակ (manušak)<manafšak
μερμηκώνιώθω μυρμήγκιασμα, μούδιασμα
μερών’μερώνει, ξημερώνει
μύραοσμή, μυρωδιά
όντεςόταν
παίρωπαίρνω
παλαλούμαιτρελαίνομαι
πρόσωποςπρόσωπο
σκουντουλίζ’ευωδιάζει, μοσχοβολάει
σουμάκοντά
τεσ̌άκ’στρώμα, κρεβάτι döşek
φεύ’ςφεύγεις

Ποντιακός Στίχος - Pontian Lyrics 2024

Τραγούδια: 7896 | Albums/Singles: 1138 | Συντελεστές: 1550 | Λήμματα: 13042
Επικοινωνία: infoDUMMY@pontianlyrics.gr