Ποντιακός Στίχος

Προβολή Τραγουδιού

Κατεβάστε τους στίχους σε PDF

Θεία μ’, η κουτσ̌ή σ’

Χρυσή παράδοσηΧρυσή παράδοση

Στιχουργοί: Χρύσανθος Θεοδωρίδης

Συνθέτες: Χρύσανθος Θεοδωρίδης

Καλλιτέχνες: Δημήτρης Κουγιουμτζίδης, Χρύσανθος Θεοδωρίδης


Θεία μ’, η κουτσ̌ή σ’ [γιάβρι μ’]
κι εγώ χουζμετσ̌ής
Κατ’ ’κι δί’ς μ’ ατεν, νε πουλί μ’;
Ας έν’ για την ψ̌η σ’!
Κατ’ ’κι δί’ς μ’ ατεν, νε γιάβρι μ’;
Να λελεύω σε! Κάτ’ θα λέγω σε!

Λελεύω σε, παίξον κεμεντζ̌έν!
Παίξον κεμεντζ̌έν!
Λελεύω σε, νε Μήτσ̌ο, παίξον κεμεντζ̌έν!
Παίξον κεμεντζ̌έν!

-’Κι δίγω σε ατε, νε παιδά!
Είσαι ατεψής
Άμε χάθετε απ’ αδακά!
Ας έν’ για την ψ̌η σ’!
Άμε χάθετε απ’ αδακά!
Να λελεύω σε! Κάτ’ θα λέγω σε!

Λελεύω σε, παίξον κεμεντζ̌έν!
Παίξον κεμεντζ̌έν!
Λελεύω σε, Δημήτρη, παίξον κεμεντζ̌έν!
Παίξον κεμεντζ̌έν!

-Τέρ’ μη χαλάντς το χατίρι μ’,
θ’ έχω προκοπήν
Θα κλαδεύω και τ’ αμπέλι σ’
αρ’ με την κρωπήν
Θα κλαδεύω και τ’ αμπέλι σ’
Να λελεύω σε! Κάτ’ θα λέγω σε!

Λελεύω σε, παίξον κεμεντζ̌έν!
Παίξον κεμεντζ̌έν!
Λελεύω σε, νε Μήτσ̌ο, παίξον κεμεντζ̌έν!
Παίξον κεμεντζ̌έν!

Θα οργώνω ας σα χωράφι͜α σ’
δέκα στρέματα
Μ’ εθαρρείς, θειίτσα μ’, λέγω
εγώ ψέματα
Μ’ εθαρρείς, θειίτσα μ’, λέγω
εγώ ψέματα

Λελεύω σε, παίξον κεμεντζ̌έν!
Παίξον κεμεντζ̌έν!
Λελεύω σε, Δημήτρη, παίξον κεμεντζ̌έν!
Παίξον κεμεντζ̌έν!
Γλωσσάρι
ΚείμενοΕπεξήγησηΕτυμ. ΡίζαΠροέλευση
αδακάεδώ κόντα
άμεσύρε, πήγαινε (προστ.)
ατεναυτήν
ατεψήςαγενής, θρασύς, ξεδιάντροπος edepsiz
γιάβριμωρό, μικρό, παιδί yavru
δίγωδίνω
δί’ςδίνεις
εθαρρείςθαρρείς, νομίζεις, υποθέτεις
έν’είναι
κατ’γιατί/γιατί δεν
κεμεντζ̌ένλύρα kemençe/kemānçe
’κιδεν οὐκί<οὐχί
κουτσ̌ήκόρη
κρωπήν(η) δρέπανο κρώπιον
λελεύωχαίρομαι
παίξονπαίξε (προστ.)
τέρ’κοίταξε (προστ.)
χαλάντςχαλάς, καταστρέφεις
χατίριχάρη, σεβασμός, υπόληψη hatır/ḫāṭir
χουζμετσ̌ήςυπηρέτης hizmetçi
ψ̌ηψυχή

Ποντιακός Στίχος - Pontian Lyrics 2024

Τραγούδια: 8059 | Albums/Singles: 1244 | Συντελεστές: 1616 | Λήμματα: 14013
Επικοινωνία: infoDUMMY@pontianlyrics.gr