Ενενήντα Χορτοθέρ’

Προβολή Τραγουδιού

Καλλιτέχνες: Χρήστος Τσενεκίδης, Χρύσανθος Θεοδωρίδης

Ενενήντα, Χορτοθέρ’,
έκλαψαν ούλ’ τ’ εμετέρ’
Ο Χάρον ’σέγκεν νισ̌άν’
και επέρεν τον πασ̌ά μ’
[όι, όι] ...τον πασ̌ά μ’

Είκοσ’ μήνας εμπροστά
γαρή ατ’ πα επέθανεν
Για τοι δύ’ς πα ας σα καντήλας
τ’ ελάδι͜α ’τελέθανε
[όι, όι] ....’τελέθανε

Θεέ μ’, να έ͜εις ατο γερόν
ντο είχαν το κορτσόπον
Ατό το χ̌ιλιόρφανον
θ’ έχ̌’ εμάς παραθεόν
[όι, όι] ...παραθεόν

Πονείς για τον θάνατον
τη μάνας και τη κυρού
Τσ̌ατίν έν’, ’κι σύρκεται
ο πόνον τη αδελφού
[όι, όι] ...τη αδελφού

Γλωσσάρι

Κείμενο	Επεξήγηση	Ετυμ. Ρίζα
γαρή	σύζυγος, γυναίκα	karı
δύ’ς	δύο
έ͜εις	έχεις
εμετέρ’	δικοί μου/μας	ἡμέτερος
εμπροστά	μπροστά, πρωτύτερα
έν’	είναι
επέθανεν	πέθανε
επέρεν	πήρε
έχ̌’	έχει
θάνατον	θάνατος
καντήλας	(τη, γεν. ενικ.) καντήλας, (τα, ονομ. πληθ.) καντήλες
’κι	δεν	οὐκί<οὐχί
κορτσόπον	κοριτσάκι
κυρού	πατέρα
νισ̌άν’	σημάδι, στόχος, αρραβώνας	nişan/nişān
ούλ’	όλοι
πα	πάλι, επίσης, ακόμα
παραθεόν	προστάτη
πασ̌ά	πασά (βαθμός ή τίτλος τιμητικός ανώτατου πολιτικού ή στρατιωτικού επί Οθωμ. Αυτοκρατορίας), (καθομ.) άρχοντα, τιμητική προσφώνηση μεγαλύτερου αδελφού	paşa
’σέγκεν	(εσέγκεν) έβαλε, εισήγαγε
σύρκεται	τραβιέται, αντέχεται
’τελέθανε	(ετελέθανε) τελείωσαν, εξαντλήθηκαν
τοι	τους/τις
τσ̌ατίν	σκληρό, δύσκολο	çetin
Χορτοθέρ’	Ιούλιο